കടല്‍ക്കൂരി പ്രായം 100 നീളം 10 അടി ഒരിഞ്ച്, ഭാരം 317 കിലോഗ്രാം

കാനഡയില്‍ നിന്ന് കണ്ടെത്തിയ കടൽക്കൂരിയുടെ ചിത്രം കണ്ട് അമ്പരന്നിരിക്കുകയാണ് സൈബര്‍ലോകം.ബ്രിട്ടീഷ് കൊളംബിയയിലുള്ള മത്സ്യത്തൊഴിലാളികളാണ് പത്തടിയിലധികം നീളവും 317 കിലോഗ്രാം ഭാരവുമുള്ള കൂരിയെ പിടികൂടിയത്. കൂരിയുടെ പ്രായം 100 വര്‍ഷത്തിന് മുകളില്‍ വരുമെന്നാണ് വിലയിരുത്തുന്നത്.

റിവർ മോൺസ്റ്റർ അഡ്വഞ്ചേഴ്‌സ്, നിക്ക് മക്‌കേബ്, ടൈലർ സ്പീഡ് എന്നിവിടങ്ങളിൽ നിന്നുള്ള ഗൈഡുകൾക്കൊപ്പം ബിസിയിലെ ലില്ലൂറ്റിന് സമീപം മത്സ്യബന്ധനം നടത്തുകയായിരുന്നു സ്റ്റീവ് എക്‌ലണ്ടും മാർക്ക് ബോയ്‌സും. അതിനിടയിലാണ് അവർ പെട്ടെന്ന് കൂറ്റൻ മത്സ്യത്തെ കണ്ടെത്തിയത്.


മത്സ്യത്തൊഴിലാളികൾ ഏതാനും വീഡിയോകളും ചിത്രങ്ങളും എടുത്തതിന് ശേഷം മത്സ്യത്തെ വീണ്ടും വെള്ളത്തിലേക്ക് തുറന്നുവിട്ടു. അസിപെൻസറിഡേ കുടുംബത്തിൽപ്പെട്ട 27 ഇനം മത്സ്യങ്ങളുടെ പൊതുനാമമാണ് സ്റ്റർജൻ അഥവാ കടൽക്കൂരി. ന്യൂസ് വീക്ക് റിപ്പോർട്ട് അനുസരിച്ച്, 14 അടി വരെ നീളവും 1,500 പൗണ്ട് വരെ ഭാരവും വയ്ക്കാവുന്ന, വടക്കേ അമേരിക്കയിലെ ഏറ്റവും വലിയ ശുദ്ധജല മത്സ്യമാണ് വെളുത്ത കടൽക്കൂരി. 150 വയസ് വരെ അവ ജീവിക്കാം എന്ന് കരുതുന്നു.

Leave a Reply

Your email address will not be published. Required fields are marked *