ഐപിഎല്‍ കലാശക്കൊട്ട് കാണാന്‍ ലാലേട്ടനും
ഇന്ത്യന്‍ പ്രീമിയര്‍ ലീഗിന്റെ കലാശപോരാട്ടത്തിന് മുംബൈ ഇന്ത്യന്‍സ് ഡല്‍ഹി ക്യാപിറ്റല്‍സിനെതിരെ ഇറങ്ങുമ്പോള്‍ മത്സരം കാണാന്‍ കേരളത്തില്‍ നിന്ന് ഒരു വിശിഷ്ട അതിഥികൂടി ഗ്യാലറിയിലുണ്ട്. മലയാളത്തിന്റെ മെഗസ്റ്റാര്‍ മോഹന്‍ലാലാണ് മത്സരത്തിന് കാണിയായി എത്തിയിരിക്കുന്നത്. ദുബായ് രാജ്യാന്തര സ്റ്റേഡിയത്തിലാണ് മത്സരം.
തന്റെ ഏറ്റവും പുതിയ ചിത്രമായ ദൃശ്യത്തിന്റെ രണ്ടാം ഭാഗത്തിന്റെ ചിത്രീകരണം പൂര്‍ത്തിയാക്കിയാണ് താരം ദുബായിലേക്ക് പറന്നത്. മലയാളത്തിലെ ഏറ്റവും വലിയ ബ്ലോക്ക്ബസ്റ്ററുകളില്‍ ഒന്നായിരുന്നു 2015 ല്‍ ജീത്തു ജോസഫിന്റെ സംവിധാനത്തില്‍ മോഹന്‍ലാലിനെ നായകനാക്കി ഒരുക്കിയ ദൃശ്യം.
അഞ്ചാം കിരീടമാണ് രോഹിത്തിന്റെ മുംബൈ ലക്ഷ്യമിടുന്നതെങ്കില്‍ കന്നി കിരീടം തേടിയാണ് ഡല്‍ഹി ക്യാപിറ്റല്‍സ് ഫൈനലിനിറങ്ങുന്നത്.
