അച്ചപ്പം
അവശ്യ സാധനങ്ങള്‍
പച്ചരി 2 കപ്പ്
മുട്ട 2 എണ്ണം
തേങ്ങാപാൽ — ആവശ്യത്തിന്
എള്ള് – 1 ടേബിൾസ്പൂൺ
പഞ്ചസാര — ആവശ്യത്തിന്
ഉപ്പ് — കാൽ ടീസ്പൂൺ
തയ്യാറാക്കുന്ന വിധം
പച്ചരി രണ്ടര മണിക്കൂർ വെള്ളത്തിൽ കുതിർത്തിയ ശേഷം പൊടിച്ച് അരിച്ചെടുക്കുക .4 കപ്പ് അരിപൊടി ആണ് അച്ചപ്പത്തിന് എടുത്തത് . ബൗളിലേക്കു അരിപൊടി ചേർത്തുകൊടുക്കുക . രണ്ടു മുട്ട നന്നായി അടിച്ചെടുത്ത് ഇതിലേക്ക് ഒഴിക്കുക. കുറച്ചു തേങ്ങാപാലും അരിപ്പൊടിയിൽ ചേർത്തുകൊടുക്കാം . ഇവ നന്നായി മിക്സ് ചെയ്യുക .
ബാക്കിയുള്ള തേങ്ങാപ്പാലും പഞ്ചസാരയും എള്ളും ചേർത്ത് മിക്സ് ചെയ്യുക .അച്ചപ്പത്തിന്റെ മാവു റെഡി .ഇനി ഒരു പാനിൽ വെളിച്ചെണ്ണ ഒഴിച്ച് ചൂടാക്കുക . ഒപ്പം തന്നെ അച്ചപ്പതിന്റെ അച്ചും ചൂടാക്കണം .ശേഷം ചൂടായ അച്ച് എടുത്തു ബാറ്ററിൽ മുക്കിയ ശേഷം(അച്ചു മുക്കാൽ ഭാഗംമാത്രമേ ബാറ്റെറിൽ മുക്കാവൂ ) വെളിച്ചെണ്ണയിൽ വച്ച് കൊടുക്കുക അച്ച് ഒന്ന് തട്ടികൊടുത്താൽ അച്ചപ്പം അച്ചിൽനിന്നും വിട്ടുവരും .അച്ചപ്പതിന്റെ ഇരുവശവും ഫ്രൈ ആയി വന്നാൽ വെളിച്ചെണ്ണയിൽ നിന്നും കോരിമാറ്റാം .നല്ല ക്രിസ്പ്പിയും ടേസ്റ്റിയുമായ അച്ചപ്പം റെഡി
കടപ്പാട്
റെസിപി ബിന്‍സി ലെനിന്‍(ammachiyude adukkala)
