വീണ്ടും റൈഡര്‍ ഗേള്‍!!! BMW ബൈക്കില്‍ സോളോ ട്രിപ്പടിച്ച് മഞ്ജു..
കഴിഞ്ഞിടയ്ക്കാണ് മലയാളസിനിമയുടെ ലേഡി സൂപ്പര്‍ സ്റ്റാര്‍ ടൂവിലര്‍ ലൈസന്‍സ് എടുത്തത്. തൊട്ടു പിന്നാലെ തന്നെ ബിഎംഡബ്ല്യു ആര്‍1250ജിഎസ് ബൈക്കും എടുത്തിരുന്നു. ബൈക്കുമായി ട്രിപ്പുനടത്തുന്ന മഞ്ജുവിന്റെ ചിത്രങ്ങള്‍ ജനശ്രദ്ധനേടിയിരുന്നു. സ്ത്രീകള്‍ക്ക് താരത്തിന്റെ ഇത്തരത്തിലുള്ള ചിത്രങ്ങള്‍ മോട്ടീവേഷന്‍ നല്‍കുന്നു എന്ന തരത്തിലുള്ള നിരവധി കമന്‍റുകള്‍ കിട്ടിയിരുന്നു.
ഇപ്പോഴിതാ ബിഎംഡബ്ല്യൂ ബൈക്കില്‍ സോളോ ട്രിപ്പു നടത്തിയ മഞ്ജുവിന്റെ ചിത്രങ്ങള്‍ ആരാധകര്‍ ഏറ്റെടുത്തുകഴിഞ്ഞു.ബ്ലാക്ക് ജാക്കറ്റും അണിഞ്ഞ് കാട്ടിലൂടെയാണ് മഞ്ജുവിന്റെ റൈഡ്. ‘നിങ്ങളിത് നേടിയിരിക്കുന്നു പെണ്‍കുട്ടി’ എന്ന ക്യാപ്ഷനോടെ മഞ്ജു തന്നെയാണ് ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചത്.”റൈഡിംഗ് ബൂട്ടുകളുടെ അഭാവമുണ്ട്, റൈഡര്‍മാര്‍ ക്ഷമിക്കണം” എന്നാണ് മഞ്ജു കുറിച്ചത്.
നടന്‍ അജിത്തിനെ ടാഗ് ചെയ്തുകൊണ്ടാണ് താരത്തിന്റെ പോസ്റ്റ്.അജിത്തിനൊപ്പം ലഡാക്കിലേക്ക് ബൈക്ക് റൈഡ് പോയതിന് ശേഷമാണ് തനിക്കും ബൈക്ക് ഓടിക്കണമെന്ന ആഗ്രഹമുണ്ടായതെന്ന് പലപ്പോഴായി മഞ്ജു അഭിമുഖങ്ങളിൽ പറഞ്ഞിട്ടുണ്ട്.
അടുത്തിടെ നടനും സംവിധായകനുമായ സൗബിൻ ഷാഹിറുനൊപ്പവും മഞ്ജു വാര്യർ റൈഡ് നടത്തിയിരുന്നു.
