“ഡോൺ”ആയി ശിവകാർത്തികേയൻ
നെൽസൺ ദിലീപ് കുമാർ സംവിധാനം ചെയ്ത ഡോക്ടർ മൂവിയുടെ വിജയ തിളക്കത്തിനു ശേഷം ശിവകാർത്തികേയൻ നായകനാകുന്ന പുതിയ ചിത്രമാണ് “ഡോൺ “. നവാഗതനായ സിബി ചക്രവർത്തിയാണ് സിനിമയുടെ സംവിധായകൻ. കോമഡി എന്റർടെയ് നർ വിഭാഗത്തിൽപെടുന്ന ചിത്രം ക്യാമ്പസ് പശ്ചാത്തലത്തിൽ ഒരുക്കിയിട്ടുള്ള ചിത്രമാണ്. ഡോക്ടർ സിനിമയിലെ നായികയായിരുന്ന പ്രിയങ്ക അരുൾ മോഹനാണ് ഈ ചിത്രത്തിലും നായിക വേഷം കൈകാര്യം ചെയ്യുന്നത്.
ശിവകാർത്തികേയൻ പ്രൊഡക്ഷനുമായി ചേർന്ന് ലൈക്ക പ്രൊഡക്ഷന്റെ ബാനറിൽ സുഭാസ്കരൻ അല്ലി രാജയാണ് ചിത്രം നിർമ്മിക്കുന്നത്. ചായാഗ്രഹണം കെ.എം ഭാസ്കരൻ. ചിത്രത്തിലെ ഗാനങ്ങൾ ഒരുക്കിയിരിക്കുന്നത് അനുരുദ്ധ് ആണ്. ചിത്രീകരണത്തിനൊപ്പം ഡബ്ബിംഗും പുരോഗമിച്ചുകൊണ്ടിരിക്കുന്നു.എസ്. ജെ സൂര്യ, സൂറി, സമുദ്രക്കനി, ഗൗതം മേനോൻ, ശിവാംഗി, ആർ.ജെ വിജയ്, മുനീഷ്കാന്ത്, ബാല ശരവണൻ, കാളി വെങ്കട് എന്നിവരും ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നു.
