അലങ്കരിച്ച ക്രിസ്മസ് ട്രീക്കുള്ളിൽ ഉഗ്ര വിഷമുള്ള പാമ്പ് : വൈറലായി വീഡിയോ
ദക്ഷിണാഫ്രിക്ക : ക്രിസ്മസിനോടനുബന്ധിച്ച് വീട്ടിൽ ഒരുക്കിയ ക്രിസ്മസ് ട്രീയുടെ ഭംഗി ആസ്വദിക്കുകയായിരുന്നു കുടുംബം. എന്നാൽ കണ്ടത് ക്രിസ്മസ് ട്രീക്കുള്ളിൽ ഉഗ്രവിഷമുള്ള പാമ്പിനെ. വീട്ടിലെ വളർത്തു പൂച്ചകൾ ക്രിസ്മസ് ട്രീയുടെ അരികിലെത്തി അസാധാരണമായ രീതിയിൽ ശബ്ദമുണ്ടാക്കിയതിനെ തുടർന്ന് പരിശോധിച്ചപ്പോഴാണ് വീട്ടുകാർ ഈ കാഴ്ച കണ്ടത്. ക്രിസ്മസ് ട്രീയുടെ ഒരു ഭാഗത്ത് നിന്നും പുറത്തേക്ക് തല നീട്ടിയനിലയിലായിരുന്നു പാമ്പ്. ഈ വീഡിയോയാണ് ഇപ്പോൾ ജനശ്രദ്ധ നേടിയിരിക്കുന്നത്.
ഉടൻതന്നെ വീട്ടുകാർ പാമ്പുപിടുത്തക്കാരനായ ജെറി ഹെയ്ൻസിനെ വിവരം അറിയിക്കുകയും പാമ്പിനെ പിടികൂടുകയും ചെയ്തു. അദ്ദേഹം പാമ്പിനെ കയ്യിൽ എടുക്കുന്നതും വീഡിയോയിൽ കാണാം. പാമ്പിനെ പിടികൂടാൻ ശ്രമിക്കുമ്പോഴൊക്കെ ട്രീയുടെ പലഭാഗങ്ങളിലായി പതുങ്ങുകയായിരുന്നു അത്. അതിനിടയിൽ തറയിൽ വീണ പാമ്പിനെ പെട്ടെന്ന് കൈയ്യിലിരുന്ന ഉപകരണം കൊണ്ട് പിടികൂടുകയായിരുന്നു. ശേഷം കാട്ടിലേക്ക് തന്നെ തുറന്നുവിട്ടു.ബുംസ്ലാങ്ങിനെ പിടികൂടുന്നത് ശ്രമകരമായ ജോലി ആണെന്നും ജെറി പറയുന്നു.
