ആമയിഴഞ്ചാൻ തോട്ടിലെ മാലിന്യം: കൂടുതല്‍ നടപടികളുമായി മേയര്‍
ആമയിഴഞ്ചാൻ തോട്ടിലെ മാലിന്യ പ്രശ്നത്തിൽ കടുത്ത നടപടികളുമായി മേയര്‍ മേയർ ആര്യ രാജേന്ദ്രൻ.ഗുരുതര കൃത്യവിലോപം നടത്തിയ തിരുവനന്തപുരം കോര്‍പറേഷനിലെ ഹെൽത്ത് ഇൻസ്പെക്ടറെ മേയര്‍ സസ്പെന്‍റ് ചെയ്തു.
തോടിന്‍റെ തമ്പാനൂർ ഭാഗം ഉള്‍പ്പെടുന്ന പ്രദേശത്തിന്‍റെ ചുമതലയുള്ള സെക്രട്ടറിയേറ്റ് സര്‍ക്കിൾ ഹെല്‍ത്ത് ഇന്‍സ്പെക്ടർ കെ. ഗണേഷിനെയാണ് സസ്പെൻഡ് ചെയ്തത്.
ആഭ്യന്തര അന്വേഷണ റിപ്പോർട്ടിന്‍റെ അടിസ്ഥാനത്തിലാണ് നടപടി. തോട് വൃത്തിയാക്കാത്തതിൽ മേയർ റെയില്‍വേയെ പഴിക്കുമ്പോഴാണ് കോർപറേഷന്‍റെ വീഴ്ചയിൽ ഉദ്യോഗസ്ഥനെതിരെയും നടപടിയെടുത്തത്.
