മത്തൻ ഇല ഉപ്പേരി
ധന്യശ്രീ
നല്ല രുചിയും പോഷക ഗുണം ഏറെ ഉള്ള മത്തൻ ഇലയിൽ വിറ്റാമിൻ A, C, Iron, calcium ഇതൊക്കെ ധാരാളമായി അടങ്ങിയിരിക്കുന്നു.
- മത്തൻ ഇല – ഒരു പിടി
- കുഞ്ഞുള്ളി -3-4 എണ്ണം
- പച്ചമുളക് -2 എണ്ണം
- വറ്റൽ മുളക് -2 എണ്ണം
- തേങ്ങ -ഒരു പിടി
- വെളുത്തുള്ളി -2 അല്ലി
- എണ്ണ -ആവശ്യത്തിനു
- കുറുവ അരി -ഒരു നുള്ള്
തയ്യാറാക്കുന്നവിധം
ഒരു പാനിൽ എണ്ണ ചൂടാക്കി ഒരു നുള്ള് അരിയും ചേർത്തു മൊരിഞ്ഞ ശേഷം വറ്റൽ മുളക് ചേര്‍ത്ത് കുഞ്ഞുള്ളി ചേർത്തു വഴറ്റി അരിഞ്ഞു വച്ച ഇലയും പച്ചമുളകും ആവശ്യത്തിനു ഉപ്പ് ചേര്‍ത്ത് ഇളക്കി ചെറു തീയിൽ അടച്ചു ഒരു 5 മിനിറ്റു ശേഷം ചിരവിയ തേങ്ങ ചതച്ച വെളുത്തുള്ളി ചേർത്ത് ഇളക്കി 2 മിനിറ്റ് ശേഷം തീ അണച്ച് ചോറിനൊപ്പം കഴിക്കാം
