ഗോഡ് ഫാദറില്‍ മലയാളത്തിന്‍റെ സൂപ്പര്‍താരങ്ങള്‍; വൈറല്‍ വീഡിയോ കാണാം
ലോകത്തിലെ എക്കാലത്തേയും മികച്ച ചിത്രങ്ങളിൽ ഒന്നാണ് ഫ്രാൻസിസ് ഫോർട്ട് കൊപ്പോളയുടെ സംവിധാനത്തിൽ പുറത്തിറങ്ങിയ ക്രൈം ത്രില്ലറായ ഗോഡ് ഫാദർ. മാർലൻ ബ്രാണ്ടോ, അൽ പച്ചീനോ തുടങ്ങിയ പ്രതിഭകളാണ് ചിത്രത്തില്‍ അഭിനയിച്ചിരിക്കുന്നത്. ഈ ചിത്രത്തടില്‍ മലയാളത്തിന്‍റെ സൂപ്പര്‍ താരങ്ങള്‍ അഭിനയിച്ചാല്‍ എങ്ങനെയിരിക്കും… ഗോഡ് ഫാദറില്‍ മോഹൻലാലും മമ്മൂട്ടിയും ഫഹദ് ഫാസിലും അഭിനയിച്ച ദൃശ്യമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്.
ആർട്ടിഫിഷ്യൽ ഇന്റലിജൻസിന്റെ സഹായത്തോടെ ഒരുക്കിയ ഈ വീഡിയോയിൽ അൽ പാച്ചിനോയുടെ മൈക്കിൾ കോർലിയോണിയായി മോഹൻലാൽ എത്തുന്നു. ലാസ് വേഗാസിലെ ചൂതാട്ട കേന്ദ്രത്തിന്റെ ഉടമയായ മോ ഗ്രീനായെത്തിയത് മമ്മൂട്ടിയാണ്. അലക്‌സ് റൊക്കോയാണ് മോ ഗ്രീനിനെ അവതരിപ്പിച്ചിരിക്കുന്നത്.
മൈക്കിൽ കോൽലിയോണിയുടെ സഹോദരനായ ഫ്രെഡോ കോർലിയോണിയായി എത്തുന്നത് ഫഹദും. വീഡിയോ നിമിഷ നേരം കൊണ്ടാണ് സോഷ്യൽ മീഡിയയിൽ വൈറലായത്. വിഡീയോയ്ക്ക് പിന്നില്ആരാണെന്ന കാര്യം അറിവായിട്ടില്ല.
