കാത്തിരിപ്പിനു വിരാമമായി സേതു രാമയ്യർ എത്തി…, ടീസർ കാണാം
സിബിഐ അഞ്ചാം ഭാഗം ദി ബ്രെയിന്റെ ടീസർ സൈന മൂവീസ് യൂട്യൂബ് ചാനലിലൂടെ റിലീസായി.മഹാനടൻ മമ്മൂട്ടിയെ കേന്ദ്ര കഥാപാത്രമാക്കി കെ മധു സംവിധാനം ചെയ്യുന്ന ഈ ചിത്രം ഏപ്രിൽ 28-ന് തിയ്യേറ്ററിലെത്തും.മമ്മൂട്ടിക്ക് പുറമെ സായികുമാര്‍, രഞ്ജിപണിക്കര്‍, ദിലീഷ് പോത്തന്‍, സൗബിന്‍ ഷാഹിര്‍, മുകേഷ്, അനൂപ് മേനോന്‍, സന്തോഷ് കീഴാറ്റൂര്‍, സുദേവ് നായര്‍, രമേഷ് പിഷാരടി, ആശാ ശരത്ത് എന്നിവരും ഇതിൽ സാന്നിധ്യം അറിയിക്കുന്നുണ്ട്.
സ്വർഗ്ഗചിത്രയുടെ ബാനറിൽ അപ്പച്ചൻ നിർമ്മിക്കുന്ന ഈ ചിത്രത്തിന്റെ തിരക്കഥ എസ് എൻ സ്വാമി എഴുതുന്നു.ഛായാഗ്രഹണം-അഖിൽ ജോർജ്ജ്, സംഗീതം-ജേക്യ്സ് ബിജോയ്, എഡിറ്റർ-ശ്രീകർ പ്രസാദ്.
സിബിഐയുടെ മറ്റു പതിപ്പുകളില്‍നിന്ന് അഞ്ചാം ഭാഗത്തെ വ്യത്യസ്തപ്പെടുത്തുന്ന ഘടകങ്ങള്‍ ഏറെയുണ്ടെന്ന് ടീസർ തന്നെ സാക്ഷ്യപ്പെടുത്തുന്നുണ്ട്.
