നേപ്പാളിൽ മണ്ണിടിഞ്ഞ് ബസുകൾ നദിയിലേക്ക് മറിഞ്ഞു 63 പേരെ കാണാതായി
കാഠ്മണ്ഡു: നേപ്പാളിൽ കനത്ത മഴയെ തുടർന്നുണ്ടായ മണ്ണിടിച്ചിലിൽപ്പെട്ട് രണ്ട് ബസുകൾ നദിയിലേക്ക് മറിഞ്ഞു. ത്രിശൂൽ നദിയിലേക്കാണ് ബസ്സുകൾ മറിഞ്ഞെന്നതാണ് ലഭിക്കുന്ന വിവരം. ബസ്സിലുണ്ടായിരുന്ന 63 പേരും നദിയിൽ ഒലിച്ചുപോയെന്ന് അധികൃതർ അറിയിച്ചു
വെള്ളിയാഴ്ച പുലര്ച്ചെ മൂന്നരയോടെ സെന്ട്രല് നേപ്പാളിലെ മദാന്-അശ്രിത് ദേശീയപാതയിലാണ് അപകടമുണ്ടായത്. രണ്ട് ബസുകളിലായി ഡ്രൈവര്മാരടക്കം 65 യാത്രക്കാര് ഉണ്ടായിരുന്നതായാണ് പ്രാഥമിക വിവരം. ചിത്വാന് ജില്ലയിലെ നാരായണ്ഘട്ട്-മഗ്ലിങ് റോഡിനോട് ചേര്ന്നുള്ള സിമാല്തല് പ്രദേശത്താണ് സംഭവം.
![](https://koottukari.com/wp-content/uploads/2024/07/nepal-landslade.jpg)
അപകടത്തില്പ്പെട്ട ബസില് നിന്ന് മൂന്ന് യാത്രക്കാര് ചാടി രക്ഷപ്പെട്ടു. നേപ്പാള് പൊലീസിന്റെ നേതൃത്വത്തില് രക്ഷാപ്രവര്ത്തനം പുരോഗമിക്കുകയാണ്. ഉരുള്പൊട്ടലില് ഒലിച്ചുപോയ ബസുകള് ത്രിശൂലി നദിയിലാണ് പതിച്ചത്. ഇതേതുടര്ന്ന് നദിയിലും തിരച്ചില് പുരോഗമിക്കുകയാണ്.
കാഠ്മണ്ഡുവിലേക്ക് പോകുകയായിരുന്ന എയ്ഞ്ചല് ബസും കാഠ്മണ്ഡുവില് നിന്ന് റൗത്തഹട്ടിലെ ഗൗറിലേക്ക് വരികയായിരുന്ന ഗണപതി ഡീലക്സ് ബസുമാണ് അപകടത്തില്പ്പെട്ടത്. എയ്ഞ്ചല് ബസില് 24 യാത്രക്കാരും ഗണപതി ഡീലക്സ് ബസില് 41 യാത്രക്കാരും ഉണ്ടായിരുന്നതായാണ് വിവരം.