ലക്ഷദ്വീപിന്റെ സാമൂഹിക ജീവിതം ചൂണ്ടിക്കാണിക്കുന്ന ‘ഫ്ളഷ്’ ചിത്രവുമായി ഐഷ സുല്ത്താന
ലക്ഷദ്വീപിന്റെ സാമൂഹിക ജീവിതം ചൂണ്ടിക്കാണിക്കുന്ന ‘ഫ്ളഷ്’ എന്ന ചിത്രം ഐഷ സുല്ത്താന സംവിധാനം ചെയ്യുന്നു. ചിത്രത്തിന്റെ ടൈറ്റില് ഇതിനോടകം സോഷ്യല് മീഡിയയില് ശ്രദ്ധേയമായി കഴിഞ്ഞു.
ചികിത്സ കിട്ടാതെ മരിച്ച സ്വന്തം പിതാവിന്റെ ദുരനുഭവംമാണ് യുവസംവിധായിക ഐഷ സുല്ത്താനയെ ഇത്തരത്തില് ഒരു ചിത്രം എടുക്കാന് പ്രേരിപ്പിച്ചത്.
അതേ സമയം, ലക്ഷദ്വീപില് ആധുനിക ചികിത്സാ സംവിധാനം ഏര്പ്പെടുത്തെണമെന്ന് ആവശ്യപ്പെട്ട് കേന്ദ്ര ആരോഗ്യമന്ത്രാലയത്തിനും, ദേശീയ മനുഷ്യാവകാശ കമ്മിഷനും ഐഷ സുല്ത്താന നിവേദനവും സമര്പ്പിച്ചിട്ടുണ്ട്.
ദ്വീപുകളില് ആധുനിക ചികിത്സാ സംവിധാനം ഏര്പ്പെടുത്തണമെന്ന് കേന്ദ്ര ആഭ്യന്തര മന്ത്രാലയത്തിന് സമര്പ്പിച്ച നിവേദനത്തില് യുവസംവിധായിക ഐഷ സുല്ത്താന ആവശ്യപ്പെട്ടു.കോവിഡ് 19 പോലെ അതീവ ഗുരുതരമായ വൈറസുകള് പടരുന്ന സാഹചര്യത്തില് പോലും അവയെ ചികിത്സ കൊണ്ടോ പ്രതിരോധ സംവിധാനങ്ങള് ഒരുക്കിയോ ലക്ഷദ്വീപ് നിവാസികള്ക്ക് തടഞ്ഞുനിര്ത്താനാവുന്നില്ല ഐഷ സുല്ത്താന നിവേദനത്തില് ചൂണ്ടിക്കാട്ടുന്നു.’ യഥാസമയത്ത് ലക്ഷദ്വീപില്നിന്ന് ചികിത്സ കിട്ടിയിരുന്നെങ്കില് എന്റെ പിതാവിന്റെ ജീവന് രക്ഷിക്കാമായിരുന്നു. അങ്ങനെ വ്യക്തിപരമായും സാമൂഹ്യപരമായും ഞാന് ലക്ഷദ്വീപിലെ ആരോഗ്യമേഖലയില് ആശങ്കയും സങ്കടവും അറിയിക്കുകയാണ്’ ഐഷ സുല്ത്താന നിവേദനത്തില് പറയുന്നു.
