കഴിഞ്ഞപാസ്റ്റഡിന് വിട ഞങ്ങള്‍ വീണ്ടും വന്നു!!! അപര്‍ണ ആന്‍റ് ജീവ ഈസ് ബാക്ക്
ജീവ മലയാളിയുടെ പ്രീയപ്പെട്ട ടെലിവിഷന്‍ അവതാരകനാണ്. അതുപോലെ തന്നെ ജീവയും ഭാര്യ അപര്‍ണയും ചേര്‍ന്ന് തുടങ്ങിയ യൂട്യൂബ് ചാനലും ആരാധകര്‍ ഏറ്റെടുത്തിരുന്നു. അഞ്ച് മാസം മുന്‍പ് പഴയ ചാനല്‍ ഇരുവരും ഡിലീറ്റ് ചെയ്തിരുന്നു. ഇപ്പോഴിതാ വീണ്ടും സോഷ്യയല്‍മീഡിയയില്‍ ആക്ടീവായിരിക്കുകാണ്. അപര്‍ണ ഒഫീഷ്യല്‍സ് എന്നാണ് ചാനലിന്‍റെ പേര്.
‘മറ്റ് സോഷ്യൽ മീഡിയ പ്ലാറ്റ് ഫോമിൽ ആക്റ്റീവായിരുന്നെങ്കിലും ഞങ്ങളുടെ ചളികൾ വാരി വിതറാനും ഒരുപാട് നേരം സംസാരിക്കാനും കഴിയുക യൂട്യൂബ് വഴിയാണ്. ഈ അഞ്ച് മാസം ഒരുപാട് പേർ ഞങ്ങളെ അന്വേഷിച്ചു. റെഗുലറായി വിഡിയോ ചെയ്യുെന്ന് ഉറപ്പു പറയുന്നില്ല. നിങ്ങൾ ഞങ്ങളെ മിസ് ചെയ്യുന്നുണ്ടെങ്കിൽ മാത്രം സബ്സ്ക്രൈബ് ചെയ്യുക‘ എന്നും ഇരുവരും വിഡിയോയിൽ പറഞ്ഞു.
പഴയ ചാനലിന് 5 ലക്ഷത്തോളം സബ്സ്ക്രൈബേഴ്‌സ് ഉണ്ടായിരുന്നു. കഴിഞ്ഞുപോയ കാര്യം ചികഞ്ഞെടുക്കാനോ, അതേക്കുറിച്ച് വീണ്ടും പറയാനോ ഞങ്ങള്‍ ആഗ്രഹിക്കുന്നില്ല. അതോര്‍ത്ത് വിഷമിക്കാനല്ല ഈ വീഡിയോ ചെയ്യുന്നത്. വിഷമിപ്പിക്കുന്ന തരത്തിലുള്ള പാസ്റ്റ് നമുക്കൊക്കെ ഉണ്ടാവും. അത് അവിടെയിട്ട് നാളെ നടക്കാന്‍ പോവുന്ന കാര്യങ്ങള്‍ക്കായി പ്രയത്‌നിക്കണം എന്നല്ലേ മോട്ടിവേഷന്‍ സ്പീക്കേഴ്‌സ് ഒക്കെ പറയുന്നത്. ഇങ്ങനെയൊരു തീരുമാനത്തിലെത്താന്‍ 5 മാസം വേണ്ടി വന്നു.‘ വിഡിയോയിൽ പറഞ്ഞു.
