ആകാംക്ഷ ജനിപ്പിച്ച് സൂപ്പർഹീറോ സീരിയസ്, മൂൺ നൈറ്റ്‌ ട്രെയിലർ
കാത്തിരിപ്പുകൾക്ക് വിരാമമിട്ടുകൊണ്ട് സൂപ്പർ ഹീറോ സീരിസ് മൂൺ നൈറ്റ്‌ ട്രെയിലർ പുറത്തുവിട്ടു. ഇതൊരു അമേരിക്കൻ ടെലിവിഷൻ മിനി സീരിയസാണ്. ഫ്രാഞ്ചൈസിയുടെ സിനിമകളുമായി തുടർച്ച പങ്കിടുന്ന മാർവൽ സ്റ്റുഡിയോ നിർമ്മിക്കുന്ന മാർവൽ സിനിമാറ്റിക് യൂണിവേഴ്സിലെ ആറാമത്തെ ടെലിവിഷൻ പരമ്പരയാണ് മൂൺ നൈറ്റ്‌.2019 ഓഗസ്റ്റിലായിരുന്നു ഈ പരമ്പരയെ പറ്റിയുള്ള ആദ്യ പ്രഖ്യാപനം നടത്തുന്നത്.
ഓസ്കാർ ഐസക്കാണ് സീരീസിലെ പ്രധാന വേഷം കൈകാര്യം ചെയ്യുന്നത്. ഈഥൻ ഹോക്കും പ്രധാനവേഷത്തിലെത്തുന്നു. ആറ് എപ്പിസോഡുകളുള്ള സീരീസിൽ നാല് എപ്പിസോഡുകൾ മൊഹമ്മദ് ദിയാബാണ് സംവിധാനം ചെയ്യുന്നത്. ബാക്കിയുള്ള രണ്ട് എപ്പിസോഡുകൾ ജസ്റ്റിൻ ബെൻസണും ആരോണും ചേർന്ന് സംവിധാനം ചെയ്യുന്നു. ഹംഗറി, ജോർദാൻ, അറ്റ്ലാന്റ്, ജോർജിയ എന്നിവയാണ് പ്രധാന പ്രൊഡക്ഷൻ ലൊക്കേഷനുകൾ.ഡിസ്നി പ്ലസ് ഹോട്ട്സ്റ്റാറി ലാണ് സീരീസ് സ്ട്രീം ചെയ്യുന്നത്. മാർച്ച് 30 ഓടെ സീരിയസ് പ്രേക്ഷകരുടെ മുന്നിലെത്തും.
