ഈറൻ മുകിലേ കോൾഡ് കേസിലെ ഗാനം എത്തി
പൃഥ്വിരാജ് കേന്ദ്ര കഥാപാത്രത്തെ അവതരിപ്പിക്കുന്ന കോള്‍ഡ് കേസിലെ ആദ്യ ഗാനംപുറത്തിറങ്ങി. റീലീസ് മണിക്കുറുകള്‍ക്കകം ഈറന്‍ മുകില്‍ എന്ന ഗാനം ഇതിനോടകം യുടൂബില്‍ ട്രന്‍റിംഗിംഗില്‍ മുന്‍പാണ് .
പൃഥ്വിരാജാണ് ഗാനത്തിന്റെ വീഡിയോ ഫേസ്ബുക്കില്‍ പങ്കുവെച്ചത്. ഹൊറര്‍ ത്രില്ലറായ ചിത്രം ആമസോണ്‍ പ്രൈമിലൂടെയാണ് റിലീസ് ചെയ്യുന്നത്. ജൂണ്‍ 30ന് ചിത്രം റിലീസ് ചെയ്യും. ചിത്രത്തിന്റെ ടീസറും, ട്രെയ്‌ലറും ഇതിനോടകം പുറത്തിറങ്ങി കഴിഞ്ഞു.
ഛായാഗ്രാഹകനായ തനു ബാലക് ആദ്യമായി സംവിധാനം ചെയ്യുന്ന ചിത്രമാണ് കോള്‍ഡ് കേസ്. യഥാര്‍ത്ഥ സംഭവത്തെ അടിസ്ഥാനമാക്കി ഒരുക്കിയ ചിത്രത്തില്‍ പൃഥ്വിരാജ് ഒരു അന്വേഷണ ഉദ്യേഗസ്ഥന്റെ വേഷമാണ് അവതരിപ്പിക്കുന്നത്. എസിപി സത്യരാജ് എന്നാണ് കഥാപാത്രത്തിന്റെ പേര്. കോള്‍ഡ് കേസില്‍ അദിതി ബാലനാണ് നായിക.
ആന്റോ ജോസഫ് ഫിലിം കമ്പനിയുടെയും പ്ലാന്‍ ജെ സ്റ്റുഡിയോയുടെയും ബാനറില്‍ ഒരുങ്ങുന്ന ചിത്രം ജോമോന്‍ ടി ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്ന് ആണ് നിര്‍മ്മിക്കുന്നത്. കൊവിഡ് മാനദണ്ഡങ്ങള്‍ പൂര്‍ണമായും പാലിച്ചുകൊണ്ടാണ് സിനിമയുടെ ചിത്രീകരണം നടന്നിരുന്നത്. ശ്രീനാഥ് വി നാഥിന്റേതാണ് തിരക്കഥ.
