ട്വൽത്ത് മാന് സമ്മിശ്രപ്രതികരണം
മോഹൻലാൽ–ജീത്തു ജോസഫ് കൂട്ടുകെട്ടിൽ ഒരുങ്ങിയ ത്രില്ലർ ചിത്രം ട്വൽത്ത് മാൻ ഹോട്ട്സ്റ്റാറിലൂടെ പ്രേക്ഷകർക്ക് മുൻപിലെത്തി.മികച്ച പ്രേക്ഷക പ്രതികരണമാണ് ചിത്രത്തിന് ലഭിക്കുന്നത്. മികച്ചൊരു സസ്പെൻ ത്രില്ലർ ചിത്രമാണ് ട്വൽത്ത് മാൻ എന്ന് പറയുകയാണ് പ്രേക്ഷകർ.
പതിവ് പോലെ ജിത്തുജോസഫ് പ്രതീക്ഷ തെറ്റിച്ചില്ലെന്നും പ്രേക്ഷകര്‍. നല്ലൊരു സസ്പെന്‍സ് ത്രില്ലര്‍ ചിത്രം തിയേറ്ററില്‍ റിലീസ് ചെയ്യാത്തതിന്‍റെ നിരാശയും ചിലര്‍ പ്രകടമാക്കുന്നുണ്ട്.14 പേരോളം മാത്രം അണിനിരക്കുന്ന മോഹൻലാൽ ചിത്രമാണു ‘ട്വൽത്ത് മാൻ’. മിസ്റ്ററിയാണു പശ്ചാത്തലം. ഒറ്റദിവസത്തെ സംഭവം ഒരു കഥയാവുകയാണ്. കെ.ആർ.കൃഷ്ണകുമാറാണ് ചിത്രത്തിന് തിരക്കഥ ഒരുക്കിയിരിക്കുന്നത്.
ജിത്തുജോസഫിന്‍റെ മറ്റ് ചിത്രങ്ങളെ പോലെ അത്ര ഇന്‍ററസ്റ്റ് അല്ല ചിത്രം എന്ന് പറയുന്നവരും കുറവല്ല. മൊബൈല്‍ ഗെയിം പോലെ അനുഭപ്പെട്ടു എന്ന് വിമര്‍ശിക്കുന്നവരും ുണ്ട്
എൺപതു ശതമാനവും ഒരു ഹിൽസ്റ്റേഷനിലെ റിസോർട്ടിലാണ് കഥ നടക്കുന്നത്. അദിതി രവി, അനുശ്രീ, പ്രിയങ്ക നായർ, അനു സിത്താര, ലിയോണ ലിഷോയ്, ശിവദ, ഉണ്ണി മുകുന്ദൻ, സൈജു കുറുപ്പ്, അനു മോഹൻ, ചന്തുനാഥ്, രാഹുൽ മാധവ് എന്നിവരാണ് ചിത്രത്തിൽ മറ്റ് കഥാപാത്രങ്ങളാകുന്നത്.
