ബീസ്റ്റിലെ ആ രംഗത്തെ വിമര്‍ശിച്ച് പൈലറ്റും; എനിക്ക് ചോദ്യങ്ങൾ ഒരുപാടുണ്ട് എന്ന ക്യാപ്ക്ഷനോടെ ട്വീറ്റ്
ബീസ്റ്റ് സിനിമയിലെ പലരംഗങ്ങളും സാമാന്യയുക്തിക്ക് നിരക്കാത്തതാണെന്നാണ് വിമര്‍ശകര്‍ പറയുന്നത്.സിനിമയിൽ ഏറെ വിമര്‍ശിക്കപ്പെട്ട രംഗങ്ങളിലൊന്നാണ് പാക്കിസ്ഥാനി തീവ്രവാദിയെ ഫൈറ്റര്‍ ജെറ്റില്‍ കടത്തികൊണ്ടുവരുന്ന വിജയ്‌യുടെ രംഗം.ഇന്ത്യൻ വ്യോമസേനയിലെ ഒരു പൈലറ്റും ഇതേ രംഗത്തെ വിമർശിച്ച് രംഗത്തെത്തി.
എനിക്ക് ചോദ്യങ്ങൾ ഒരുപാടുണ്ട്’ എന്ന അടിക്കുറിപ്പോടെ സിനിമയിലെ ഫൈറ്റർ ജെറ്റ് രംഗങ്ങൾ അദ്ദേഹം ട്വീറ്റ് ചെയ്തു. നിരവധി പേരാണ് ഈ ട്വീറ്റ് റിട്വീറ്റ് ചെയ്യുന്നത്. 5000 റീ ട്വീറ്റുകളും പതിനായിരത്തിനു മുകളിൽ ലൈക്കുകളുമാണ് പോസ്റ്റിന് ലഭിച്ചത്.
സിനിമകള്‍ തിരഞ്ഞെടുക്കുമ്പോള്‍ വിജയ് കുറച്ചുകൂടി ശ്രദ്ധിക്കണമെന്നും യുക്തിക്ക് നിരക്കാത്ത രംഗങ്ങള്‍ ഒഴിവാക്കേണ്ടത് സംവിധായകരാണെന്നും പ്രേക്ഷകർ പറയുന്നു. ആക്‌ഷൻ രംഗങ്ങളിൽ ഇതിലും വലിയ അബദ്ധങ്ങൾ സംഭവിച്ച വേറെ സിനിമകളും ഉണ്ടെന്നും വിജയ്‍യെ മാത്രം തിരഞ്ഞുപിടിച്ചു ട്രോൾ ചെയ്യുന്നതിൽ മറ്റ് ലക്ഷ്യങ്ങളുണ്ടെന്നുമാണ് ആരാധകരുംപറയുന്നു
