ഫെരാരി ഫാഷന് സ്കൂളിന്റെ ഇന്ത്യയിലെ ആദ്യ പഠനകേന്ദ്രം കൊച്ചിയിൽ
കൊച്ചി: അന്താരാഷ്ട്ര ഫാഷന്, ഡിസൈന് സ്ഥാപനമായ ഫെരാരി ഫാഷന് സ്കൂളിന്റെ ഇന്ത്യയിലെ ആദ്യ പഠനകേന്ദ്രം കൊച്ചിയില് പ്രവര്ത്തനം ആരംഭിക്കുന്നു. ഹെയ്ന്റിച്ചിന്റെ സഹകരണത്തോടെ കൊച്ചി സ്മാര്ട്ട്സിറ്റിയിലെ ലുലു ഐടി ട്വിന് ടവറിലാണ് ഫെരാരി ഫാഷന് ഇന്സ്റ്റിറ്റ്യൂട്ട് പ്രവര്ത്തനം തുടങ്ങുന്നത്. ഇന്സ്റ്റിറ്റ്യൂട്ടിന്റെ വെബ്സൈറ്റ് ലോഞ്ച് ഗ്രാന്ഡ് ഹയാത്ത് കണ്വെന്ഷന് സെന്ററില് നടന്ന ചടങ്ങിൽ ഉന്നത വിദ്യാഭ്യാസമന്ത്രി റോജി.എം.ജോണ് നിര്വഹിച്ചു.
ഫാഷന് രംഗത്തെ പുത്തന് സാധ്യതകള് പരിചയപ്പെടാനും പരമാവധി പ്രയോജനപ്പെടുത്താനും ഈ മേഖലയില് സംസ്ഥാനത്ത് കൂടുതല് അവസരങ്ങള് സൃഷ്ടിക്കപ്പെടേണ്ടതുണ്ടെന്ന് മന്ത്രി പറഞ്ഞു. അതിനായി ലോകോത്തര ഫാഷന് ഇന്സ്റ്റിറ്റ്യൂട്ടുകള് സംസ്ഥാനത്തേക്ക് കടന്നുവരുന്നതിനെ സ്വഗതം ചെയ്യുമെന്നും വെബ്സൈറ്റ് ലോഞ്ചിന് ശേഷം മന്ത്രി റോജി പറഞ്ഞു. ഹെയ്ന്റിച്ച് ഫൗണ്ടര് ആന്ഡ് മാനേജിംഗ് ഡയറക്ടര് മനോജ് തോമസ്, തോമസ് ജേക്കബ് എന്നിവര് ചടങ്ങിൽ പങ്കെടുത്തു.
ഇറ്റാലിയന് സൗന്ദര്യ പാരമ്പര്യത്തിന്റെയും ആധുനിക ഫാഷന് കാഴ്ചപ്പാടിന്റെയും സംഗമവേദിയാണ് ഫെരാരി ഫാഷന് സ്കൂൾ. ഫാഷന് രംഗത്തെ ഉന്നത വിദ്യാഭ്യാസ സ്ഥാപനമായ ഫെരാരി ഫാഷന് സ്കൂൾ, ഫാഷന് മേഖലയില് കരിയര് കെട്ടിപ്പടുക്കാന് ആഗ്രഹിക്കുന്ന വിദ്യാര്ഥികള്ക്ക് ആഴത്തിലുള്ള പഠനം വാഗ്ദാനം ചെയ്യുന്ന ലോകത്തെ മികച്ച ഫാഷന് ഇന്സ്റ്റിറ്റ്യൂട്ടുകളില് ഒന്നാണ്.
കൊച്ചിയില് ആരംഭിക്കുന്ന ഹെയ്ന്റിച്ച് ഫെരാരി ഫാഷന് ഇന്സ്റ്റിറ്റ്യൂട്ടില് ഫാഷന് ഡിസൈനിങ്, നിറ്റ് വെയര് അന്ഡ് ടെയ്ലറിങ്, അപ്സൈക്ലിങ് ആന്ഡ് റീ-ഫാഷന്, ഫാഷന് ഫോട്ടോഗ്രഫി, ഇന്റീരിയര് ഡിസൈനിങ്, സെലിബ്രിട്ടി ഫാഷന്, ഹെയര് ആന്ഡ് മേക്കപ്പ് എന്നിവയിലാണ് പരിശീലനം നല്കുന്നത്. ആറു മാസ ഡിപ്ലോമ കോഴ്സുകള്ക്ക് പുറമേ മൂന്ന് വര്ഷ യുജി കോഴ്സുകളും 18 മാസ പിജി പ്രോഗ്രാമുകളിലും ആഴത്തിലുള്ള പഠനം ഉറപ്പാക്കുന്നു. കുടാതെ കരിയര് ഗൈഡന്സും ഇന്റേണ്ഷിപ്പ് സപ്പോര്ട്ടും ഇന്സ്റ്റിറ്റ്യൂട്ട് ലഭ്യമാക്കുന്നുണ്ട്.
ഇതോടൊപ്പം നിര്മ്മിത ബുദ്ധി (എഐ) അധിഷ്ഠിതമായ, അന്താരാഷ്ട്ര നിലവാരത്തിലുള്ള വിദ്യാഭ്യാസം കേരളത്തിലും ലഭ്യമാക്കുന്നതിനായി ഇറ്റലിയിലെ ലംബോര്ഗിനി എഐ ഇന്സ്റ്റിറ്റ്യൂട്ടിന്റെ കേന്ദ്രവും കൊച്ചിയില് പ്രവര്ത്തനം ആരംഭിക്കുന്നുണ്ട്. ഹെയ്ന്റിച്ചുമായി സഹകരിച്ച് സ്മാര്ട്ട്സിറ്റിയിലെ ലുലു ഐടി ട്വിന് ടവറിലാണ് ലംബോര്ഗിനി എഐ ഇന്സ്റ്റിറ്റ്യൂട്ടും പ്രവര്ത്തിക്കുന്നത്.
എഐ ഏജന്റ്, എഐ ഫോര് ബിസിനസ്, ജനറേറ്റീവ് എഐ, എഐ മെഷീന് ലേണിംഗ് വിഷയങ്ങളില് 6 മാസ ഡിപ്ലോമ, 3 വര്ഷ ബി.സി.എ, 18 മാസ എം.സി.എ. കോഴ്സുകളാണ് ഇവിടെ ആരംഭിക്കുന്നത്. യുകെ, ഇറ്റലി എന്നിവിടങ്ങളിലെ എഐ എക്സ്പേര്ട്ടുകളുടെ ലൈവ് ക്ലാസുകള്, പ്രാക്ടിക്കല് സെഷനുകള് എന്നിവ മികച്ച എഐ സ്പെഷ്യലിസ്റ്റുകളെ വാര്ത്തെടുക്കാന് സഹായിക്കും.
കൂടുതല് വിവരങ്ങള്ക്ക്:
ഫെരാരി ഫാഷന് ഇന്സ്റ്റിറ്റ്യൂട്ട് – 98958 00799, www.FerrariFashionInstitute.com
ലംബോര്ഗിനി എഐ ഇന്സ്റ്റിറ്റ്യൂട്ട് – 81294 00799, www.Lamborghini_AI.com
ഹെയ്ന്റിച്ച് – www.heinrichluxury.com
