എണ്ണ ആവര്‍ത്തിച്ച് ചൂടാക്കുന്നത് ക്യാന്‍സറിന് കാരണമോ?
മത്സ്യവും ചിക്കനും പൊരിക്കുന്ന എണ്ണ തീര്‍‌ന്നുപോകുന്നതുവരെ ഉപയോഗിക്കുന്നത് നമ്മുടെയൊക്കെ ശീലമാണ്. എന്നാല്‍ ഇങ്ങനെ ഉപയോഗിക്കുന്നത് ആരോഗ്യത്തിന് വളരെ ഹാനീകരമാണെന്നാണ് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) അടുത്തിടെ പുറത്തിറക്കിയ റിപ്പോര്‍ട്ടില്‍ വ്യക്തമാക്കുന്നത്.
എണ്ണ ആവർത്തിച്ച് ചൂടാക്കുന്നത് വിഷ സംയുക്തങ്ങൾ ഉല്‍പാദിക്കപ്പെടുമെന്നും, ഇത് ഹൃദ്രോഗം, ക്യാൻസർ തുടങ്ങിയ മാരകമായ രോഗങ്ങൾക്കുള്ള സാധ്യത വർദ്ധിപ്പിക്കുന്നുവെന്നും റിപ്പോർട്ടിലുണ്ട്. പാചക എണ്ണ വീണ്ടും ചൂടാക്കുന്നത് എങ്ങനെ വിഷവസ്തുക്കളെ പുറത്തുവിടുകയും ശരീരത്തിലെ ഫ്രീ റാഡിക്കലുകളെ വർദ്ധിപ്പിക്കുകയും ചെയ്യും. ഇത് വീക്കം, വിവിധ വിട്ടുമാറാത്ത രോഗങ്ങൾ എന്നിവയ്ക്ക് കാരണമാകുമെന്നും മുൻ പഠനങ്ങൾ തെളിയിച്ചിട്ടുണ്ട്.
ICMR, നാഷണൽ ഇൻസ്റ്റിറ്റ്യൂട്ട് ഓഫ് ന്യൂട്രീഷനുമായി സഹകരിച്ച്, വ്യത്യസ്ത പ്രായത്തിലുള്ള ആളുകൾക്ക് മെച്ചപ്പെട്ട ഭക്ഷണം തിരഞ്ഞെടുക്കാൻ സഹായിക്കുന്നതിന് പുതിയ ഭക്ഷണ മാർഗ്ഗനിർദ്ദേശങ്ങൾ പുറത്തിറക്കി. ആരോഗ്യകരമായ ഭക്ഷണശീലങ്ങള്‍ നമ്മള്‍ പിന്‍തുടരാനാണ് ICMR ഇത്തരത്തിലുള്ള മാര്‍ഗനിര്‍ദേശങ്ങള്‍ പുറത്തിറക്കിയത്.
