കോമഡി എന്റര്‍ടെയ്നര്‍ ജാൻ.എ.മൻ റിലീസ് തിയേറ്ററില്‍ തന്നെ
യുവതാരനിര അണിനിരക്കുന്ന കോമഡി എന്റര്‍ടെയ്നര്‍ ചിത്രം ജാൻ.എ.മൻ തിയേറ്ററുകളിൽ തന്നെ റിലീസ് ചെയ്യും. നവംബറിലാണ് ചിത്രം റിലീസ് ചെയ്യുക. ജാൻ.എ.മനിൽ ലാൽ, അർജുൻ അശോകൻ, ബാലു വർഗീസ്, ഗണപതി, ബേസിൽ ജോസഫ്, സിദ്ധാർഥ് മേനോൻ, അഭിരാം രാധാകൃഷ്ണൻ, റിയ സൈറ, ഗംഗ മീര, സജിൻ ഗോപു, ചെമ്പിൽ അശോകൻ എന്നീ നടീനടന്മാരെ കൂടാതെ ധാരാളം പുതുമുഖങ്ങളും ഈ സിനിമയിലൂടെ മലയാള സിനിമാ ലോകത്തേക്ക് കാലെടുത്തു വെക്കുന്നുണ്ട്.
കോമഡിക്ക് പ്രാധാന്യം കൊടുത്ത് കൊണ്ടുള്ള ഈ ഫാമിലി എൻ്റർടെയ്നർ സംവിധാനം ചെയ്തിരിക്കുന്നത് ചിദംബരം ആണ്. വിഷ്ണു തണ്ടാശേരിയാണ് ഛായാഗ്രഹണം നിർവഹിച്ചിരിക്കുന്നത്.
ചീര്‍ എന്റര്‍ടെയ്നറിന്‍റെ ബാനറില്‍ ലക്ഷ്മി വാര്യര്‍, ഗണേഷ് മേനോൻ, സജിത്ത് കൂക്കള്‍, ഷോൺ ആൻ്റണി എന്നിവർ ചേർന്നാണ് നിർമ്മാണം. സലാം കുഴിയിൽ, ജോൺ പി. എബ്രഹാം എന്നിവരാണ് സഹനിർമ്മാതക്കൾ. സഹ-രചന: സപ്നേഷ് വരച്ചൽ, ഗണപതി.സംഗീതം- ബിജി ബാല്‍, എഡിറ്റര്‍- കിരണ്‍ദാസ്, കോസ്റ്റ്യും- മാഷര്‍ ഹംസ, കലാസംവിധാനം- വിനേഷ് ബംഗ്ലാന്‍, മേക്കപ്പ്- ആര്‍ജി വയനാടന്‍, സ്റ്റില്‍സ്- വിവി ചാര്‍ലി, പ്രൊഡക്ഷന്‍ കണ്‍ട്രോളര്‍- പി.കെ. ജിനു, സൗണ്ട് മിക്‌സ്- എം.ആര്‍. രാജാകൃഷ്ണന്‍, സൗണ്ട് ഡിസൈന്‍ വിക്കി, കിഷന്‍ (സപ്താ റെക്കോര്‍ഡ്‌സ്), വി.എഫ്.എക്സ്.- കൊക്കനട്ട് ബഞ്ച്, പി.ആര്‍.ഒ.- ആതിര ദില്‍ജിത്ത്, ഓണ്‍ലൈന്‍ മാര്‍ക്കറ്റിങ് പി.ആര്‍.- വൈശാഖ് സി. വടക്കേവീട് എന്നിവരാണ്.
