ഓണത്തിനും ട്രെന്‍റിയാവാം
ജാതിമതഭേദമന്യേ എല്ലാ മലയാളികളും ഒരേ മനസ്സോടെ കൊണ്ടാടുന്ന .ഉത്സവമാണ് ഓണം. ഓണാഘോഷത്തിന് പ്രഥമസ്ഥാനമാണ് ഓണക്കോടിക്കുള്ളത്.
ഓണവുമായി ബന്ധപ്പെട്ട് കിടക്കുന്ന വേഷവിധാനങ്ങളാണ് സെറ്റ് മുണ്ടും സെറ്റ് സാരിയും വേഷ്ടിയും. എന്നാല്‍ പാരമ്പര്യ വേഷവിധാനങ്ങളായ ഇവയിലൊക്കെ ആധുനികതയും മനോഹരമായി ഇഴുകി ചേരുമെന്നതാണ് ഏറ്റവും പുതിയ ട്രെൻഡ്. തനത് ശൈലി നിലനിർത്തി കൊണ്ട് അതിന്‍റെ ഡിസൈനുകളിലും പാറ്റേണുകളിലുമാണ് മാറ്റങ്ങൾ വന്നിരിക്കുന്നത്. തനത് പട്ടുപാവാടയ്ക്കും ഈ മാറ്റം പ്രകടമാണ്. ഒരേ സമയം ലെഹംഗ,ഫാഫ് സാരി ഫീല്‍തരുന്ന വസ്ത്രം പെണ്‍കുട്ടികളുടെ മനസ്സില്‍ ഇടംപിടിച്ചുകഴിഞ്ഞു. ബ്ലൌസിലുള്ള ബീഡ്സ് വര്‍ക്കും ഫാഫ് പോഷന്‍ ബ്ലൌസില്‍ തുന്നി പിടിപ്പിടിപ്പിച്ച ദുപ്പട്ടയുമാണ് ഈ വസ്ത്രത്തിന്‍റെ ഹൈലൈറ്റ്.
സെറ്റ് സാരിയ്ക്കൊപ്പം സ്വർണ്ണാഭരണങ്ങൾക്ക് പകരമായി മറ്റ് മെറ്റൽ ആഭരണങ്ങളും കളറുകളും സ്ത്രീകൾ അണിഞ്ഞ് തുടങ്ങിയെന്നതാണ് ഹൈലൈറ്റ്.
സെറ്റ് സാരിയിൽ കസവ് ഉള്ളതിനാൽ പൊതുവെ എല്ലാവരും അതോടൊപ്പം സ്വർണ്ണാഭരണങ്ങളാണ് അണിഞ്ഞിരുന്നത്. എന്നാൽ ഇന്ന് ആ ട്രെൻഡിന് മാറ്റം വന്നിരിക്കുന്നു. സ്വർണ്ണ കസവ്, വെള്ളി കസവ് തുടങ്ങി കളർ ത്രെഡിലുള്ള കരയോടു കൂടിയ സെറ്റ് സാരികളും ഇപ്പോൾ പോപ്പുലറായിരിക്കുന്നു. സിൽവർ, ഓക്സിഡൈസ്ഡ്, ബ്രോൺസ്, കോപ്പർ, ബീഡ് തുടങ്ങി ഏത് ഫാൻസി സ്റ്റൈലിംഗും കേരള തനിമയ്ക്കായി ഉൾപ്പെടുത്താം.
ബാക്ക് ഗ്രൗണ്ട് നിറം ഓഫ് വൈറ്റ് ആയതിനാൽ ഏത് നിറത്തിലുമുള്ള ആക്സസറീസും ഇതിനൊപ്പം അനായാസം മിക്സ് ചെയ്ത് അണിയാം എന്നതാണ് പ്രത്യേകത. സ്ത്രീയ്ക്ക് സ്വന്തം മനസ് പറയുന്നതു പോലെ സെറ്റ് സാരിയിൽ പരീക്ഷണം നടത്തി നോക്കാവുന്നതേയുള്ളൂ.
