ഫാഷന്‍ പ്രേമികള്‍ക്ക് എന്നും പ്രീയം ആനിമല്‍ പ്രിന്‍റിനോട്
ആനിമല്‍ പ്രിന്റ് ഫാഷന്‍ പ്രേമികളുടെ പ്രീയപ്പെട്ട ഡിസൈന്‍ ആണ്. സീബ്ര, ടൈഗർ, ലെപ്പേഡ്, ചീറ്റ ഇങ്ങനെ പലപേരിലും ഡിസൈനിലുമുണ്ട് ആനിമൽ പ്രിൻറുകൾ. ഏത് പ്രായക്കാര്‍ക്കും ഈ പ്രിന്റ് ചേരും.
മൃഗങ്ങളുടെ നിറത്തിലും ഡിസൈനിലുമുള്ള പ്രിൻറുകളെല്ലാം ആനിമൽ പ്രിൻറ് ഗണത്തിലാണ് വരുന്നത്. സീസണുകള്‍ക്കനുസരിച്ച് ഡിസൈനര്‍മാര്‍ വ്യത്യസ്തമായ ഡിസൈന്‍ അവതരിപ്പിക്കും.വസന്തകാല, വേനൽകാല ഷോകളിലാണ് പൊതുവെ ആനിമൽ പ്രിൻറ്സ് ഉപയോഗിക്കുന്നത്. ക്രിസ്റ്റ്യൻ ഡയറിനെ പോലുള്ള ഡിസൈനർമാരാകട്ടെ ശൈത്യകാല, ശരത്കാല കലക്ഷനുകളിലും ഇൗ ഡിസൈനുകൾ ഉപയോഗിക്കുന്നുണ്ട്. എല്ലാ സീസണിലും ആനിമൽ പ്രിൻറുകൾ ചേരുമെങ്കിലും ഓരോ സീസണിലും ഡിഫറന്‍റ് ആയി ചെയ്യുന്നതാണ് അനുയോജ്യം
സ്പ്രിങ് സീസണിൽ (വസന്തകാലത്ത്) ബ്രൈറ്റായ ഷെയ്ഡുകൾ കൊടുത്ത് സ്റ്റൈലാക്കാം. വിൻറർ, ഓട്ടം (ശൈത്യകാല-ശരത്കാല സീസൺ) സീസണുകളിൽ ഇതേ പ്രിൻറ് ലെതറിൽ ഉപയോഗിക്കുന്നതാണ് നല്ലത്.
പാർട്ടികളിൽ ഉപയോഗിക്കുേമ്പാൾ ലക്ഷ്വറീസ് ലുക്ക് വരുത്തണം. ഇതിന് പുറമെ ജോലി സ്ഥലങ്ങളിലും ധരിക്കാം. എന്നാൽ, ജോലിയുടെ സ്വഭാവം അനുസരിച്ച് പ്രിൻറ് ഡിസൈനിൽ മാറ്റമുണ്ടാകും. ഫുൾ ഡ്രസും ആനിമൽ പ്രിൻറ് അല്ലെങ്കിൽ ഇതിനൊപ്പം സ്ട്രൈബ്സ് ഇടാം.
ബോൾഡായപ്ലെയിൻ കളറാണ് നല്ലത്. വിവിധ ആനിമൽ പ്രിൻറുകൾ ഒരേ സമയം ഇടുന്നത് യോജിക്കില്ല. ഷൂസ്, പഴ്സ്, ബെൽറ്റ്, ഹാൻഡ് ബാഗ്, ഹെയർ ആക്സസറീസ് എന്നിവയെല്ലാം ആനിമൽ പ്രിൻറിൽ ലഭിക്കും. പാൻറ്സ്, ജാക്കറ്റ്, മാക്സി ഗൗൺ, ഫ്രോക്സ്, ഷോർട്സ് എന്നിവയിലെല്ലാം ആനിമൽ പ്രിൻറ് ഉപയോഗിക്കാം.
