കായികപ്രേമികളുടെ കാത്തിരിപ്പിന് വിരാമം ; ‘സബാഷ് മിതു’വിന്‍റെ റിലീസിംഗ് ഡേറ്റ് പ്രഖ്യാപിച്ചു
ക്രിക്കറ്റ് വനിതാക്യാപ്റ്റന്‍ മിതാലിരാജുവിന്‍റെ ജീവിതം പ്രമേയമായെത്തുന്ന സിനിമയാണ് സബാഷ് മിതു. തപ്സി പന്നുവാണ് നായികവേഷത്തിലെത്തുന്നത്.
ചിത്രം അടുത്ത വര്‍ഷം ഫെബ്രുവരി നാലിനാണ് റിലീസ് ചെയ്യുക. ശ്രീജിത്ത് മുഖര്‍ജിയാണ് ചിത്രം സംവിധാനം ചെയ്യുന്നത്. സിര്‍ഷ റേ ചിത്രത്തിന്റെ ഛായാഗ്രാഹണം നിര്‍വഹിക്കുന്നു. ശ്രീകര്‍ പ്രസാദാണ് ചിത്രത്തിന്റെ ചിത്രസംയോജനം.
തപ്‍സിക്ക് പ്രതീക്ഷയുള്ള ചിത്രങ്ങളില്‍ ഒന്നാണ് ‘സബാഷ് മിതു’. അമിത് ത്രിവേദിയാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നു. മിതാലിയുടെ ജീവചരിത്ര സിനിമയില്‍ മറ്റ് കഥാപാത്രങ്ങളെ കുറിച്ചുള്ള വിവരങ്ങള്‍ അണിയപ്രവര്‍ത്തര് പുറത്തുവിട്ടിട്ടില്ല.
ഏകദിന ടെസ്റ്റ് ടീമുകളുടെ ക്യാപ്റ്റനാണ് മിതാലി രാജ്. നിലവില്‍ ഇന്ത്യൻ ടീമിന്റെ നെടുംതൂണായ മിതാലി രാജ് അന്താരാഷ്‍ട്ര വനിതാ ക്രിക്കറ്റില്‍ ഏറ്റവും കൂടുതല്‍ റണ്‍ നേടിയ താരമാണ്. ഏഴായിരം റണ്‍സ് മറികടന്ന അന്താരാഷ്‍ട്ര ക്രിക്കറ്റിലെ ഒരേയൊരു വനിതാ ക്രിക്കറ്റ് താരവുമാണ് മിതാലി രാജ്. ‘സബാഷ് മിതു’ കാണാന്‍ കായികപ്രേമികളും കട്ട വെയിറ്റിംഗിലാണ്.
