സിബിഐ 5 ദ ബ്രെയ്ൻ; സേതുരാമയ്യരോടൊപ്പം വിക്രവും ചാക്കോയും ചിത്രം വൈറല്‍
നീണ്ട ഇടവേളയ്ക്ക് ശേഷം ജഗതി സിബിഐ 5 ല്‍ അഭിനയിക്കുന്നു എന്നതാണ് ഇപ്പോള്‍ സോഷ്യല്‍മീഡിയയില്‍ സംസാരവിഷയം.. ചിത്രത്തിൽ ജഗതിയും ജോയിൻ ചെയ്തിരുന്നു. വാഹനാപകടത്തിന് പിന്നാലെ അഭിനയ രംഗത്തുനിന്നും വിട്ടു നിന്ന ജഗതി വീണ്ടും തിരിച്ചെത്തുന്നതിന്റെ സന്തോഷത്തിലാണ് സിനിമാ പ്രേമികളും ആരാധകരും. ഇപ്പോഴിതാ സംവിധായകൻ കെ മധു പങ്കുവച്ച ചിത്രമാണ് ശ്രദ്ധനേടുന്നത്.മമ്മൂട്ടി നായകനാകുന്ന സിബിഐ അഞ്ചാം ഭാഗം സിബിഐ 5 ദ ബ്രെയ്ൻ എന്നാണ് എസ് എന്‍ സ്വാമി- കെ മധു- മമ്മൂട്ടി കൂട്ടുകെട്ടില്‍ ഒരുങ്ങുന്ന ചിത്രത്തിന്റെ പേര്.
ജഗതി ശ്രീകുമാർ സിബിഐ ടീമിൽ ചേരുന്നു. എന്റെ വിക്രമിനെ സ്വാഗതം ചെയ്തതിൽ സന്തോഷം’, എന്നാണ് ഫോട്ടോയോടൊപ്പം സംവിധായകൻ കുറിച്ചത്. മമ്മൂട്ടിയും മുകേഷും രഞ്ജിപണിക്കരും ചിത്രത്തിൽ ഉണ്ട്.
ആശാ ശരത്താണ് മമ്മൂട്ടിയുടെ നായികയായി എത്തുന്നത്. തിരുവനന്തപുരം, ഹൈദരാബാദ്, ദില്ലി എന്നിവിടങ്ങളും ലൊക്കേഷനുകളാണ്. മുകേഷ്, രണ്‍ജി പണിക്കര്‍, സൗബിന്‍ ഷാഹിര്‍, സായ് കുമാര്‍ എന്നിവര്‍ക്കൊപ്പം ഒട്ടേറെ താരങ്ങള്‍ ചിത്രത്തിന്റെ ഭാഗമാകും.
എസ് എന്‍ സ്വാമി- കെ മധു- മമ്മൂട്ടി കൂട്ടുകെട്ടില്‍ ഒരുങ്ങുന്ന ചിത്രമാണ് സിബിഐ 5 ദ ബ്രെയ്ൻ. സേതുരാമയ്യരായി മമ്മൂട്ടി വീണ്ടുമെത്തുമ്പോള്‍ പല മാറ്റങ്ങളും ചിത്രത്തിനുണ്ട്. ചിത്രത്തിലെ ഐക്കോണിക് തീം മ്യൂസിക് ഒരുക്കുന്നത് ജേക്സ് ബിജോയ് ആണ്.
1988ലാണ് മ്മൂട്ടി- കെ മധു- എസ് എൻ സ്വാമി കൂട്ടുകെട്ടിൽ സിബിഐ സീരിസിലെ ആദ്യ ചിത്രമായ ഒരു സിബിഐ ഡയറികുറിപ്പ് പുറത്തിറങ്ങുന്നത്. പിന്നീട് ജാഗ്രത, സേതുരാമയ്യര്‍ സിബിഐ, നേരറിയാന്‍ സിബിഐ എന്നീ ചിത്രങ്ങളും പുറത്തെത്തി.
