അർജുനായുള്ള തിരച്ചിൽ ഇന്നും തുടരുന്നു
ബംഗ്ലളുരു : അർജുനായുള്ള തിരച്ചിൽ ഇന്ന് ഒന്‍പതാം ദിനത്തിലും തുടരുന്നു. സൈന്യം റഡാറുകളും സെൻസറുകളും ഉപയോഗിച്ചാണ് പുഴയിൽ തിരച്ചിൽ നടത്തുന്നത്.ഷിരൂരിൽ മണ്ണിടിഞ്ഞു കാണാതായ കോഴിക്കോട് സ്വദേശിയായ ലോറി ഡ്രൈവർ അർജുനായുള്ള തിരച്ചിൽ സൈന്യം റഡാറുകളും സെൻസറുകളും ഉപയോഗിച്ച് ഗംഗാവലിപ്പുഴയിൽ തുടരുന്നു.
റഡാർ പരിശോധനയിൽ പുഴയിൽ നിന്ന് ചില സിഗ്നലുകൾ ലഭിച്ചെതിനെ തുടര്‍ന്നാണ് ഇന്ന് കൂടുതൽ ഉപകരണങ്ങൾ എത്തിച്ച് സൈന്യം തിരച്ചില്‍ ഊര്‍ജ്ജിതമാക്കിയത്.
ഇന്നലെ പുഴയിൽനിന്ന് ഒരു സ്ത്രീയുടെ മൃതദേഹം കണ്ടെത്തി. കുന്നിടിഞ്ഞു പുഴയിലേക്കു വീണ് കാണാതായ സന്നി ഹനുമന്ത ഗൗഡയുടെ (65) മൃതദേഹമാണ് 4 കിലോമീറ്റർ അകലെ മഞ്ചിഗുണി ഗ്രാമത്തിൽനിന്നു ലഭിച്ചത്.
