ദൃഡം,ഭൂതകാലം എന്നീ സിനിമകള് തന്റെ കഥ മോഷ്ടിച്ചത്; ശ്രീലേഖ
ഷെയ്ന് നിഗം നായകനായ ദൃഢം, ആസിഫ് അലി നായകനായ ഭൂതകാലം എന്നീ സിനിമകള് തന്റെ കഥകള് മോഷ്ട്ടിച്ചുണ്ടാക്കിയതാണെന്ന ആരോപണവുമായി തിരുവനന്തപുരത്തെ ബിജെപി കൗണ്സിലറും മുന് ഐപിഎസ് ഉദ്യോഗസ്ഥയുമായ ആര് ശ്രീലേഖ. താന് കുറച്ച് നാളുകള്ക്ക് മുന്പ് മാതൃഭൂമി ആഴ്ച പതിപ്പില് പ്രസിദ്ധീകരിച്ച ‘ കരിങ്കുടി പൊലീസ് സ്റ്റേഷന്’ എന്ന ചെറുകഥയാണ് ദൃഢത്തിന്റെ മൂലകഥ എന്ന് ശ്രീലേഖ പറയുന്നു. തന്റെ യൂട്യൂബ് ചാനലില് ശ്രവ്യകഥയായി ഇത് അവതരിപ്പിച്ചതിന്റെ ലിങ്കും ശ്രീലേഖ പങ്കുവച്ചിട്ടുണ്ട്. ഫേസ്ബുക്ക് കുറിപ്പിലൂടെയാണ് പ്രതികരണം.
തന്റെ ചാനലില് മൂന്ന് വര്ഷം മുന്പ് പറഞ്ഞ ഒരു അനുഭവ കഥയുടെ മോഷണമാണ് ‘ഭൂതകാലം’ എന്ന സിനിമയെന്നും അവര് പറയുന്നു. തലക്കെട്ടിലെ സാമ്യവും ചൂണ്ടിക്കാട്ടിയിട്ടുണ്ട്. ‘ഭൂത ഭവനം’ എന്നായിരുന്നു ഞാന് ആ കഥക്കിട്ട പേര് – അവര് ചൂണ്ടിക്കാട്ടി.
