കൃത്രിമ കണ്പീലികൾ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങള്
വിടർന്നതും ഇടതൂർന്നതുമായ കൺപീലികൾ എളുപ്പത്തിൽ ലഭിക്കാൻ ഇന്ന് മാർഗ്ഗങ്ങളേറെയുണ്ട്. പീലികൾ കൃത്രിമമായി (False Eyelashes) വെച്ച് പിടിപ്പിക്കാം. ഇത് കണ്ണുകൾക്കും പീലികൾക്കും കൂടുതൽ ഭംഗി നൽകും.
![](http://koottukari.com/wp-content/uploads/2021/07/3.jpg)
കൺപീലികൾ വെച്ച് പിടിപ്പിക്കുമ്പോൾ അതിൽ കൃത്രിമത്വം തോന്നാതിരിക്കാൻ ചില കാര്യങ്ങൾ ശ്രദ്ധിക്കേണ്ടതുണ്ട്. കൃത്രിമ കൺപീലികൾ മുഖത്തിനും കണ്ണുകൾക്കും അനുയോജ്യമായിരിക്കണം. വളരെ വലിപ്പം കൂടിയ കൺപീലികൾ വാങ്ങുന്നത് ഒഴിവാക്കുക.
![](http://koottukari.com/wp-content/uploads/2021/07/eye3.jpg)
- ആദ്യം തന്നെ കൺതടങ്ങളിൽ ഇളം നിറത്തിലുള്ള ഐ ഷാഡോ പുരട്ടാം.
- കൃത്രിമ കൺപീലിയിൽ ഗ്ലൂ തേച്ച ശേഷം കൺപോളയുടെ അകത്തെ മൂലയിൽ നിന്നും പീലിത്തടത്തോട് ചേർത്ത് ഒട്ടിക്കുക. പീലി ഒട്ടിച്ച ശേഷം ഗ്ലൂ ഉണങ്ങാൻ കാത്തിരിക്കുക.
- കൃത്രിമ പീലികൾ അവസാനിക്കുന്ന കൺതടത്തിന്റെ മൂലകളിൽ അസ്വാഭാവികത തോന്നാതിരിക്കാൻ ഒരു കറുത്ത ഐലൈനർ ഉപയോഗിച്ച് എഴുതുക.
- കൃത്രിമ കൺപീലികൾ പിടിപ്പിച്ച ശേഷം ഭംഗി നൽകാൻ ഐലാഷ് കേളര് ഉപയോഗിക്കുന്നതാണ് അടുത്ത പടി. കൃത്രിമ പീലികൾ ഒട്ടിച്ചതിനോട് ചേർത്ത കേളര് പിടിപ്പിച്ച ശേഷം പത്ത് മുതൽ പതിനഞ്ച് സെക്കൻഡുകൾ വരെ അമർത്തിപ്പിടിക്കുക.
- ഏറ്റവും ഒടുവിൽ മസ്കാര ഉപയോഗിച്ച് പീലികൾക്ക് കൂടുതൽ കറുപ്പ് നിറം നൽകാം.