ആദ്യ അവാർഡിന്റെ തിളക്കത്തിൽ അഖില
എ.എസ്. ദിനേശ്
ആദ്യ അവാർഡ്… ഏതൊരു കലാകാരന്റെയും ജീവിതത്തിലെ മറക്കാനാവാത്ത നിമിഷം . ആ സന്തോഷവും അഭിമാനവും നിറഞ്ഞ നിമിഷങ്ങളിലൂടെയാണ് യുവ നടി അഖില ഇപ്പോൾ കടന്ന് പോവുന്നത്.
നാലാമത് പഞ്ചാബ് ഇന്റർനാഷണൽ ഫിലിം ഫെസ്റ്റിവലിൽ ബെസ്റ്റ് സപ്പോർട്ടിങ് ആക്ട്രസായി അഖില തിരഞ്ഞെടുക്കപ്പെട്ടു.
ഉണ്ണി കെ ആർ സംവിധാനം ചെയ്ത” എ പ്രെഗ്നന്റ് വിൻഡോ “എന്ന ചിത്രത്തിലെ ഷീബ എന്ന കഥാപാത്രത്തിൻ്റെ ശ്രദ്ധേയമായ പ്രകടനമാണ് അഖിലക്ക് ഈ ആദ്യ അംഗീകാരം നേടിക്കൊടുത്തത്.
“എന്റെ ഏറ്റവുംപ്രിയപ്പെട്ട കഥാപാത്രമാണ് ഷീബ.ഈ കഥാപാത്രത്തെ അവതരിപ്പിക്കാൻ അവസരം നല്കിയ സംവിധായകൻ ഉണ്ണിയേട്ടനോടും തിരക്കഥാകൃത്ത് രാജേഷേട്ടനോടും പ്രത്യേകം നന്ദിയും സന്തോഷവും അറിയിക്കുന്നു.ഒപ്പം ഈ ചിത്രത്തിൽ സഹകരിച്ച എല്ലാവരേയും ഓർമ്മിക്കുന്നു “അഖിലയുടെ വാക്കുകൾ.
“നാൻ പെറ്റ മകൻ” എന്ന ചിത്രത്തിലൂടെ അഭിനയ രംഗത്തെത്തിയ അഖില,തുടർന്ന് പട്ടാഭിരാമൻ,മായാവനം,യുണൈറ്റഡ് കിങ്ഡം ഓഫ് കേരള, എന്നി ചിത്രങ്ങളിൽ പ്രത്യക്ഷപ്പെട്ടു.
വിനയൻ സംവിധാനം ചെയ്ത “പത്തൊമ്പതാം നൂറ്റാണ്ട് “, മനോജ് പാലോടൻ സംവിധാനം ചെയ്ത ” സിഗ്നേച്ചർ ” എന്നി ചിത്രങ്ങളിൽ ഏറേ ശ്രദ്ധേയമായ കഥാപാത്രത്തെ അവതരിപ്പിക്കാൻ അഖിലക്ക് അവസരം ലഭിച്ചു.
എറണാക്കുളം സ്വദേശിയും ഫാഷൻ ഡിസൈനറുമായ അഖില,വീണ്ടും നല്ല കഥാപാത്രങ്ങൾ അവതരിപ്പിക്കാനുള്ള ഒരുക്കത്തലാണ്.സജിൻ ബാബു സംവിധാനം ചെയ്യുന്ന “തർക്കം”,കെ ജെ ബോസ് സംവിധാനം ചെയ്യുന്ന “മോഹിത” തുടങ്ങിയവയാണ് അഖിലയുടെ പുതിയ ചിത്രങ്ങൾ.
” പ്രേക്ഷകർ എന്നും ഓർമ്മിക്കുന്ന വിധത്തിലുള്ളനല്ല നല്ല കഥാപാത്രങ്ങൾ ചെയ്യണം.മികച്ച സംവിധായകരുടെ ചിത്രങ്ങളിൽ ശ്രദ്ധേയമായ കഥാപാത്രങ്ങൾ അവതരിപ്പിക്കണം “അഖില പറഞ്ഞു.
