ചുവന്ന ഷര്‍ട്ട് കൂളിംഗ് ഗ്ലാസ് നെയ്യാറ്റിന്‍കരഗോപന്‍റെ ഫസ്റ്റ് ലുക്ക് ഇങ്ങനെ
മോഹന്‍ലാല്‍ ചിത്രമായ ആറാട്ടിന്‍റെ ഫസ്റ്റ്ലുക്ക് പോസ്റ്റര്‍ പുറത്തിറങ്ങി. തന്‍റെ ഫെയ്സ്ബുക്ക് പേജിലൂടെ മോഹന്‍ലാല്‍ തന്നെയാണ് ഫസ്റ്റ്ലുക്ക് പോസ്റ്റര്‍ റിലീസ് ചെയ്തത്.
ചിത്രത്തിന്റെ പേര് പ്രഖ്യാപിച്ചത് മുതല്‍ ലാലേട്ടന്‍റെ പുതിയ ലുക്ക് എങ്ങനെയായിരിക്കും എന്ന ആകാംക്ഷയിലാണ് ആരാധകര്‍. ബി. ഉണ്ണികൃഷ്ണനാണ് ചിത്രത്തിന്റെ സംവിധായകന്‍. ഉദയകൃഷ്ണന്‍റേതാണ് തിരക്കഥ. ചിത്രത്തിന്റെ ഷൂട്ടിംഗ് പാലക്കാട് പുരോഗമിക്കുകയാണ്.കോമഡിക്ക് പ്രാധാന്യം നല്‍കുന്ന ഒരു ആക്ഷന്‍ ഡ്രാമയാണ് ചിത്രം.
ചിത്രത്തില്‍ മോഹന്‍ലാലിന്‍റെ കഥാപാത്രം കറുത്ത ബെന്‍സ് കാറാണ് ഉപയോഗിക്കുന്നത്. ‘രാജാവിന്റെ മകന്‍’ എന്ന മാസ് മോഹന്‍ലാല്‍ ചിത്രത്തിലെ ‘മൈ ഫോണ്‍നമ്പര്‍ ഈസ് 2255’ എന്ന ഡയലോഗ് ഓര്‍മ്മിപ്പിക്കുന്നതിന് കാറിനും അതേ നമ്പറാണ് സംവിധായകന്‍ നല്‍കിയിരിക്കുന്നത്.വിജയ് ഉലകനാഥാണ് ചിത്രത്തിന്റെ ഛായാഗ്രഹണം.രാഹുല്‍ രാജ് സംഗീതം നല്‍കും. ജോസഫ് നെല്ലിക്കല്‍ കലാ സംവിധാനം നിര്‍വ്വഹിക്കുന്ന ചിത്രത്തിന്റെ വസ്ത്രാലങ്കാരം സ്റ്റെഫി സേവ്യറാണ്.മാസ് മസാല പടമായിരിക്കും ‘ആറാട്ടെന്ന്’ ബി ഉണ്ണികൃഷ്ണന്‍ നേരത്തേ പറഞ്ഞിരുന്നു.
