വിജയന്‍റെ കവിളില്‍ ഉമ്മവയ്ക്കുന്ന ദാസന്‍; ചിത്രം ഏറ്റെടുത്ത് സോഷ്യല്‍ മീഡിയ
വെള്ളത്തിരയിലെ ദാസനേയും വിജയനേയും ഏത് മലയാളിക്കാണ് മറക്കാന്‍ കഴിയുക.അക്കരെ അക്കരെ , നാടോടിക്കാറ്റ്, ചന്ദ്രലേഖ, കിളിച്ചുണ്ടൻ മാമ്പഴം, പട്ടണ പ്രവേശം,ഉദയനാണു താരം തുടങ്ങി ഒട്ടനവധി ചിത്രങ്ങളിൽ ഇവരുടെ കോംബോ നാം കണ്ട് ആസ്വദിച്ചതാണ്.ദാസനും വിജയനും ഇന്നും മലയാളികളുടെ മനസ്സിൽ നിലനില്കുന്നതിനു കാരണവും ഇവരുടെ അഭിനയ മികവാണ്.
ശാരീരിക അസ്വസ്ഥതകളെ തുടർന്ന് സിനിമ മേഖലയിൽ നിന്നും പൊതു ചടങ്ങുകളിൽ നിന്നും മാറി നിൽക്കുകയായിരുന്നു ശ്രീനിവാസന്‍.ഒരു ടെലിവിഷൻ പരിപാടിക്കിടെ ശ്രീനിവാസനും മോഹൻലാലും വീണ്ടും കണ്ടു മുട്ടിയ ചിത്രങ്ങളാണ് ഇപ്പോൾ ശ്രദ്ധേയമാകുന്നത്. വിജയനെ ചേർത്ത് പിടിച്ച് ചുംബിക്കുന്ന ദാസന്റെ ചിത്രം ഇതിനോടകം ആരധകർ ഏറ്റെടുത്തു കഴിഞ്ഞു. സിനിമ താരം അജു വർഗീസ് ഉൾപ്പെടെ നിരവധി പേർ ചിത്രം പങ്കു വെച്ച് രംഗത്തെത്തിയിട്ടുണ്ട്.
