ദേശീയ പുരസ്കാരം നേടി ബൊമ്മി; അപര്‍ണ്ണ ബാലമുരളി മികച്ച നടി
മലയാള നടി അപര്‍ണ ബാലമുരളി മികച്ച നടിയായി തിരഞ്ഞെടുക്കപ്പെട്ടു. സുരറൈ പോട്ര് എന്ന തമിഴ് ചിത്രത്തിലെ അഭിനയത്തിനാണ് അപര്‍ണ ബാലമുരളിയ്ക്ക് പുരസ്കാരം . ബൊമ്മിയെന്ന കഥാപാത്രമായാണ് ചിത്രത്തില്‍ അപര്‍ണ വേഷമിട്ടത്. 68-ാമത് ദേശീയ ചലച്ചിത്ര പുരസ്‌കാരങ്ങളാണ് പ്രഖ്യാപിച്ചത്.
ക്യാപ്റ്റന്‍ ഗോപിനാഥിന്റെ ജീവിതം പറഞ്ഞ ചിത്രമായിരുന്നു സുരറൈ പോട്ര്. ഒരിക്കലും സൂര്യയുടെ നിഴലില്‍ ഒതുങ്ങാതെ ബൊമ്മി എന്ന കഥാപാത്രം ചിത്രത്തില്‍ ഉടനീളം മികച്ചു നിന്നിരുന്നു. ചിത്രത്തിലെ അഭിനയത്തിന് സൂര്യയ്ക്ക് മികച്ച നടനുള്ള ദേശീയ പുരസ്കാരം ലഭിച്ചിട്ടുണ്ട്.
ചിത്രത്തിന് വേണ്ടി ഒരുപാട് കഷ്ടപ്പെട്ടു. ഭാഷ പഠിക്കാനും കഥാപാത്രമായി താതാത്മ്യം പ്രാപിക്കുവാനും എനിക്ക് ടൈ തന്നത് സംവിധായിക സുധ കൊങ്ങര പ്രസാദാണ്.സുധ കൊങ്ങരയോട് ഒരുപാട് നന്ദിയുണ്ടെന്നും അപര്‍ണ പറഞ്ഞു. ചിത്രത്തിന്റെ അണിയറ പ്രവര്‍ത്തകര്‍ക്കും വിവരമറിഞ്ഞ് എത്തിയ മാദ്ധ്യമങ്ങള്‍ക്കുമെല്ലാം അപര്‍ണ നന്ദി അറിയിച്ചു. നിലവില്‍ പൊള്ളാച്ചിയിലെ ഷൂട്ടിംഗ് തിരക്കിലാണ് അപര്‍ണ ബാലമുരളി.
.
ദേശീയ ചലച്ചിത്ര പുരസ്‌കാര പ്രഖ്യാപന വേദിയില്‍ മലയാള സിനിമകള്‍ക്ക് വലിയ അംഗീകാരമാണ് ലഭിച്ചത്. മികച്ച സംവിധായകനായി സച്ചി (അയ്യപ്പനും കോശിയും) തിരഞ്ഞെടുക്കപ്പെട്ടു. മികച്ച സഹനടനായി ബിജു മേനോനും (അയ്യപ്പനും കോശിയും) മികച്ച പിന്നണി ഗായികയായി നഞ്ചിയമ്മയും (അയ്യപ്പനും കോശിയും) തിരഞ്ഞെടുക്കപ്പെട്ടു
