കുറഞ്ഞ വിലയില്‍ കിടു ഫീച്ചറുമായി റിയല്‍മി സി 35
റിയല്‍മി സി 35ൻ്റെ ( Realme C35) ആദ്യ വിൽപ്പന ഇന്ത്യയിൽ ആരംഭിച്ചു. വില കുറവാണെങ്കിലും നിരവധി ഫീച്ചറുകളുള്ള ഫോൺ കാണാനും കിടു ലുക്കാണ് .
Realme C35 ന്റെ 4GB റാം 64GB വേരിയൻ്റിന് 11,999 രൂപയാണ് വില. 6ജിബി+128ജിബി സ്‌റ്റോറേജിലും സ്‌മാർട്ട്‌ഫോൺ വരുന്നു, ഇതിന്റെ വില 12,999 രൂപയാണ്. ഗ്ലോവിങ് ഗ്രീൻ, ഗ്ലോവിങ് ബ്ലാക്ക് നിറങ്ങളിൽ റിയൽമി സി 35 ( Realme C35) ലഭ്യമാണ്.
റിയൽമി ജിടി 2 പ്രോയ്ക്ക് സമാനമായ ഡിസൈൻ ആണ് റിയൽമി സി 35ൽ ഉള്ളത്. Realme C35 ന് ഐഫോൺ പോലെയുള്ള ഫ്ലാറ്റ് അരികുകൾ ഉള്ളതുകൊണ്ട് ഫോണിന് പ്രീമിയം ഫീൽ നൽകുന്നു. )
90.7 ശതമാനം സ്‌ക്രീൻ-ടു-ബോഡി അനുപാതവും 401 പിപിഐ പിക്‌സൽ സാന്ദ്രതയുമുള്ള 6.6 ഇഞ്ച് ഫുൾ-എച്ച്‌ഡി + ഡിസ്‌പ്ലേയാണ് റിയൽമി സി35 ( Realme C35)ന് . ARM Mali-G57 GPU-മായി ജോടിയാക്കിയ ഒക്ടാ-കോർ 2.0GHz Unisoc T616 പ്രോസസറാണ് സ്മാർട്ട്‌ഫോണിന് കരുത്ത് പകരുന്നത്.
Realme C35-ൽ 1080p വീഡിയോ റെക്കോർഡിംഗുള്ള 50-മെഗാപിക്സൽ മെയിൻ സെൻസർ, ഒരു മാക്രോ സെൻസർ, ബ്ലാക്ക് ആൻഡ് വൈറ്റ് സെൻസർ എന്നിവ ഉൾപ്പെടുന്ന ട്രിപ്പിൾ ക്യാമറ സജ്ജീകരണമുണ്ട്. സെൽഫികൾക്കായി, വാട്ടർ ഡ്രോപ്പ് നോച്ചിനുള്ളിൽ 8 മെഗാപിക്സൽ ക്യാമറയാണ് ഉള്ളത്. 18W ഫാസ്റ്റ് ചാർജിംഗ് പിന്തുണയുള്ള 5000mAh ബാറ്ററിയാണ് സ്മാർട്ട്‌ഫോണിൽ ഉള്ളത്. കണക്റ്റിവിറ്റിക്കായി, നിങ്ങൾക്ക് Wi-Fi, Bluetooth, GPS, 4G LTE എന്നിവ ലഭിക്കും.
