പുതിയ ഫീച്ചര്‍ അവതരിപ്പിച്ച് വാട്സ് ആപ്പ്.
വാട്സ്ആപ്പ് ഫോണില്‍ ഇന്‍സ്റ്റാള്‍ ചെയ്യാത്തവര്‍ കുറവാണ്. സന്ദേശം അയക്കുന്നതിനും കോളും ചെയ്യുന്നതിനും ഈ ആപ്പ് എല്ലാവരും ഉപയോഗപ്പെടുത്താറുണ്ട്. അതുപോലെതന്നെ അബദ്ധങ്ങളും സംഭവിക്കാറുണ്ട്. ഇത്തരത്തില്‍ തെറ്റായി അയച്ച സന്ദേശം ഡിലീറ്റ് ചെയ്യുന്നതിനുള്ള സംവിധാനം വാട്സ്ആപ്പിലുണ്ട്. എന്നിരുന്നാലും സമയപരിധി കഴിഞ്ഞാല്‍ സന്ദേശം ഡിലീറ്റ് ചെയ്യുവാന്‍ സാധിക്കുമായിരുന്നില്ല.
ഇനി സമയത്തെക്കുറിച്ചോർത്ത് വിഷമിക്കാതെ യൂസർമാർക്ക് അബദ്ധത്തിൽ അയച്ചുപോയ സന്ദേശങ്ങൾ ഇല്ലാതാക്കാം.WaBetaInfo പുറത്തുവിട്ട റിപ്പോർട്ട് അനുസരിച്ച്, ‘ഡിലീറ്റ് ഫോർ എവരിവൺ’ എന്ന ഫീച്ചർ ഉപയോഗിക്കുന്നതിനുള്ള സമയ പരിധി അനിശ്ചിതകാലത്തേക്ക് ഉയർത്തിയേക്കാം.
തുടക്കത്തിൽ മെസ്സേജ് അയച്ച് ഏഴ് മിനിറ്റുകൾക്കുള്ളിൽ മാത്രമേ അത് ഡിലീറ്റ് ചെയ്യാനുള്ള സൗകര്യം ഉണ്ടായിരുന്നുള്ളൂ. പിന്നീട് ഒരുമണിക്കൂർ കഴിഞ്ഞ് നീക്കം ചെയ്യാനുള്ള ഓപ്ഷൻ വാട്സ്ആപ്പ് കൊണ്ടുവരികയായിരുന്നു. എന്നാലിപ്പോൾ, സന്ദേശം ലഭിച്ചയാളുടെയും അയച്ചയാളുടെയും ചാറ്റ്ബോക്സുകളിൽ നിന്ന് മെസ്സേജുകൾ എപ്പോൾ വേണമെങ്കിലും നീക്കം ചെയ്യാനുള്ള സംവിധാനമാണ് വാട്സ്ആപ്പ് പരീക്ഷിച്ചുകൊണ്ടിരിക്കുന്നത്.”
അവർ പങ്കുവെച്ച ചിത്രത്തിൽ, രണ്ട് മാസം മുമ്പ് അയച്ച സന്ദേശം ഉപയോക്താവിന് ഡിലീറ്റ് ചെയ്യാൻ കഴിഞ്ഞതായി നമുക്ക് കാണാൻ കഴിയും.2017-ലായിരുന്നു ‘ഡിലീറ്റ് ഫോർ എവരിവൺ’ ഫീച്ചർ വാട്സ്ആപ്പ് അവതരിപ്പിച്ചത്.
