മദ്യം;ജനപ്രീയ ബ്രാന്‍റുകള്‍ക്ക് ഇന്നുമുതല്‍ വില വര്‍ദ്ധിക്കും
തിരുവനന്തപുരം: സംസ്ഥാനത്ത് ഇന്ന് മുതല്‍ മദ്യത്തിന് വില കൂടും. ജനപ്രിയ ബ്രാന്‍ഡുകള്‍ക്കാണ് വില കൂടുന്നത്. അതേസമയം 107 ബ്രാന്‍ഡുകളുടെ വില കുറയും.ആകെ 341 ബ്രാന്‍ഡുകളുടെ വിലയാണ് വര്‍ദ്ധിക്കുക. . മദ്യവിതരണ കമ്പനികളുടെ ആവശ്യം പരിഗണിച്ചാണ് ബെവ്‌ക്കോ വിലയില്‍ മാറ്റം വരുത്തിയത്.
ആയിരം രൂപ വരെയുള്ള മദ്യത്തിന് 10 രൂപ മുതല്‍ 50 വരെയാണ് വര്‍ദ്ധന. പ്രീമിയം മദ്യത്തിന് 100 മുതല്‍ 130 രൂപ വരെയാണ് കൂടുന്നത്. ജവാന് 10 രൂപയും ബിയറിനും വില കൂടുമെന്നാണ് അറിയിപ്പ്.
15 മാസത്തിന് ശേഷമാണ് മദ്യത്തിന് വില കൂടുന്നത്. ബെവ്‌കോയും മദ്യക്കമ്പനികളും തമ്മിലുള്ള ‘റേറ്റ് കോണ്‍ട്രാക്ട്’ അനുസരിച്ചാണ് മദ്യവില നിശ്ചയിക്കുന്നത്.
