ചിക്കൻ 65 ബിരിയാണി
അവശ്യസാധനങ്ങള്
- ചിക്കൻ – 750 ഗ്രാം
- തൈര് – 1/2 കപ്പ്
- മുട്ട – 1
- ഇഞ്ചി വെളുത്തുള്ളി പേസ്റ്റ് – 1 ടേബിൾസ്പൂൺ
- മുളകുപൊടി – 2 1/2 ടീസ്പൂൺ
- മഞ്ഞൾപ്പൊടി – 1/4 ടീസ്പൂൺ
- മല്ലിപ്പൊടി – 1 1/2 ടീസ്പൂൺ
- ഗരം മസാല – 1/2 ടീസ്പൂൺ
- ജീരകപ്പൊടി – 1 ടേബിൾസ്പൂൺ
- കോൺഫ്ലോർ – 2 ടേബിൾസ്പൂൺ
- അരിപൊടി – 2 ടേബിൾസ്പൂൺ
- നാരങ്ങ നീര് – 1 ടേബിൾസ്പൂൺ
- ഉപ്പ് – ആവശ്യത്തിന്
ചിക്കൻ കഴുകി അധികം വലുതല്ലാത്ത കഷണങ്ങളാക്കി വയ്ക്കുക.
ഒരു ബൗളിൽ തൈര്, മുട്ട, ഇഞ്ചി വെളുത്തുള്ളി പേസ്റ്റ്, മുളകുപൊടി, മഞ്ഞൾപ്പൊടി, മല്ലിപ്പൊടി, ഗരം മസാല, ജീരകപ്പൊടി, നാരങ്ങ നീര്, ഉപ്പ് എന്നിവ ചേർത്ത് നന്നായി കലക്കുക.
ഇതിലേക്ക് കോൺഫ്ലോറും അരിപൊടിയും ചേർത്ത് കട്ടിയുള്ള മാരിനേഷൻ തയ്യാറാക്കുക.ചിക്കൻ കഷണങ്ങൾ ഇതിൽ ഇട്ട് നന്നായി മസാല പിടിപ്പിക്കുക.കുറഞ്ഞത് 1–2 മണിക്കൂർ (കഴിയുമെങ്കിൽ രാത്രി മുഴുവൻ) മാരിനേറ്റ് ചെയ്യുക.ഒരു പാനിൽ എണ്ണ ചൂടാക്കി മിതമായ തീയിൽ ചിക്കൻ വറുത്തെടുക്കുക.
ചോറ് തയ്യാറാക്കാൻ
- ബസ്മതി അരി 3 cup
- വഴനയിലാ 2
- ഏലക്ക 4
- ഗ്രാമ്പു 4
- കരുവാപ്പട്ട 2 ചെറിയ കഷ്ണം
- ഉപ്പ്
ബസ്മതി അരി നന്നായി കഴുകി 20–30 മിനിറ്റ് വെള്ളത്തിൽ നനച്ചുവെക്കുക.
ഒരു പാത്രത്തിൽ ആവശ്യത്തിന് വെള്ളം ചൂടാക്കുക.വെള്ളം തിളക്കുമ്പോൾ വഴനയില, ഏലക്ക, ഗ്രാമ്പു, കരുവാപ്പട്ട, ഉപ്പ് എന്നിവ ചേർക്കുക.ഇതിലേക്ക് അരി ചേർത്ത് ഇളക്കുക.അരി വേവുമ്പോൾ ചോറ് വെള്ളം വാർത്തു വക്കുക.
മസാല തയ്യാറാക്കാൻ
- എണ്ണ 4 tbsp
- സവാള 3
- പച്ചമുളക് 3
- ഇഞ്ചി വെളുത്തുള്ളി പേസ്റ്റ് 1 tbsp
- തക്കാളി 2
- തൈര് 1 cup
- മുളകുപൊടി 1 tbsp
- ഗരം മസാല 1 tbsp
- മല്ലിപൊടി 1tsp
- മഞ്ഞൾപൊടി 1/2 tsp
- ഉപ്പ്
- മല്ലിയില ഒരു പിടി
മസാല തയ്യാറാക്കുന്ന വിധം:
ഒരു പാൻ ചൂടാക്കി അതിൽ 4 tbsp എണ്ണ ഒഴിക്കുക.
ഇതിലേക്ക് 3 സവാള പച്ചമുളക് ചേർത്ത് നന്നായി വഴറ്റുക.
ഇതിലേക്ക് ഇഞ്ചി വെളുത്തുള്ളി പേസ്റ്റ് ചേർത്ത് പച്ചമണം മാറുന്നവരെ വഴറ്റുക.ഇതിലേക്ക് തക്കാളി പൊടിപൊടിയായി അരിഞ്ഞത് ചേർത്ത് നന്നായി വെന്തു ഉടയുന്നതുവരെ വേവിക്കുക.തീ കുറച്ച് വച്ച് ഇതിലേക്ക് തൈര് ചേർക്കുക.ഒന്ന് ഇളക്കി കൊടുത്തതിനു ശേഷം പൊടികൾ എല്ലാം ചേർക്കുക.ഉപ്പ് ആവശ്യത്തിന് ചേർക്കുക.എല്ലാം നന്നായി ഇളക്കി, എണ്ണ മസാലയിൽ നിന്ന് വേർപെടുന്നത് വരെ വേവിക്കുക.അവസാനം വറുത്തുവച്ച ചിക്കനും മല്ലിയില (ഒരു പിടി) ചേർത്ത് ഇളക്കുക. 2 മിനിറ്റ് ഒന്ന് മൂടി വച്ച് കൊടുക്കുക.
