കുരങ്ങന് നോട്ട് മഴ പെയ്യിച്ചു
രൂപ അടങ്ങിയ ബാഗ് തട്ടിയടുത്തു; ‘പണ മഴ’ പെയ്യിച്ച് കുരങ്ങൻ!
കഴിഞ്ഞ ദിവസം ഉത്തര്പ്രദേശില് ഒരു വിചിത്രസംഭവം അരങ്ങേറി. കുരങ്ങന് നോട്ട് മഴ പെയ്യിച്ചു.
കോടതി സമുച്ചയത്തിലെ ഒരു അഭിഭാഷകന്റെ ചേംബറിൽ ഒരു യുവാവ് ഭൂമി ആധാരം രജിസ്റ്റർ ചെയ്യുന്നതിനായി എത്തിയതായി റിപ്പോർട്ടുകൾ പറയുന്നു. ഏകദേശം രണ്ട് ലക്ഷം രൂപ അടങ്ങിയ ഒരു ബാഗ് അയാളുടെ കൈവശമുണ്ടായിരുന്നു. ചേംബറിൽ നിന്ന് ഇറങ്ങി രജിസ്ട്രി വകുപ്പിലെ സ്റ്റാമ്പ് വെണ്ടറുടെ അടുത്തേക്ക് പോകുമ്പോൾ, പെട്ടെന്ന് ഒരു കുരങ്ങൻ അയാളുടെ കയ്യിൽ നിന്ന് ബാഗ് തട്ടിയെടുത്ത് അടുത്തുള്ള ഒരു മരത്തിൽ ഇരുന്നു.
ഭക്ഷണമോ പാനീയങ്ങളോ ഉണ്ടാകുമെന്ന് കരുതി കുരങ്ങൻ ബാഗ് തട്ടിയെടുത്തതായിരിക്കാമെന്ന് ദൃക്സാക്ഷികൾ പറഞ്ഞു. എന്നാൽ ബാഗ് തുറന്നപ്പോൾ കണ്ടത് കറൻസി നോട്ടുകളുടെ കെട്ടുകളാണ്. നോട്ടുകൾ കണ്ട കുരങ്ങൻ അവ ഓരോന്നായി മരത്തിൽ നിന്ന് താഴേക്ക് എറിയാൻ തുടങ്ങി. ചില നോട്ടുകൾ വായുവിലേക്ക് പറന്നുയർന്നു. പണമഴ പെയ്യിക്കുന്ന വീഡിയോ സമൂഹമാധ്യമങ്ങളില് വൈറലായി കഴിഞ്ഞു.
