‘തമിഴ്മൊഴി’യുടെ പ്രെമോഗാനം പുറത്തുവിട്ട് അണിയറപ്രവര്ത്തകര്
കോഴിക്കോട്: ദ ലൈഫ് ഓഫ് മാന്ഗ്രോ എന്ന ചിത്രത്തിന് ശേഷം എന്.എന്. ബൈജു തിരക്കഥയെഴുതി സംവിധാനം ചെയ്യുന്ന ‘തമിഴ്മൊഴി’ എന്ന മലയാളം-തമിഴ് ദ്വിഭാഷാ ചിത്രത്തിന്റെ പ്രമോ ഗാനം റിലീസ് ചെയ്തു. കോഴിക്കോട് കൈരളി തിയറ്റര് ഹാളില് നടന്ന പ്രൗഢഗംഭീരമായ ചടങ്ങില് കോഴിക്കോട് കോര്പ്പറേഷന് മേയര് ഒ. സദാശിവനാണ് ഗാനത്തിന്റെ ഔദ്യോഗിക പ്രകാശനം നിര്വ്വഹിച്ചത്.
ചിത്രത്തിലെ അണിയറപ്രവര്ത്തകരുടെയും സിനിമാ സാംസ്കാരിക രംഗത്തെ പ്രമുഖരുടെയും സാന്നിധ്യത്തിലായിരുന്നു ചടങ്ങ്.
ബെയ്സി ബാസ്, നസീര് അലി കുഴിക്കാടന് എന്നിവര് ചേര്ന്നാണ് ചിത്രം നിര്മിക്കുന്നത്. ഡി.ബി. അജിത്ത് എഴുതിയ വരികള്ക്ക് സാം സൈമണ് ജോര്ജ്ജ് ആണ് സംഗീതം പകര്ന്നിരിക്കുന്നത്.
പ്രശസ്ത പിന്നണി ഗായിക സെബ ടോമിയാണ് ”ഒരു തായ്മൊഴി കേട്ടു ചുവന്ന്…” എന്നു തുടങ്ങുന്ന പ്രമോഗാനം ആലപിച്ചിരിക്കുന്നത്. ജനിച്ച മണ്ണില് പൗരത്വമില്ലാതെ അഭയാര്ഥികളാക്കി കഴിയേണ്ടി വരുന്നവരുടെ ജീവിതമാണ് ‘തമിഴ്മൊഴി’യുടെ ഇതിവൃത്തം.
നിതിന് തളിക്കുളമാണ് ക്യാമറ. എഡിറ്റിങ് ഡേവിസ് മാനുവലും കലാസംവിധാനം രാജേഷ് ചിറപ്പാടും, നിര്വ്വഹിക്കുന്നു. പ്രൊഡക്ഷന് കണ്ട്രോളര് ബിനു വണ്ടൂര്. രതീഷ് ഷൊര്ണൂരാണ് ചീഫ് അസോസിയേറ്റ് ഡയറക്ടര്. എ.വൈ.ബി ഫിലിംസിന്റെ ഒഫീഷ്യല് യൂട്യൂബ് ചാനലിലൂടെയാണ് ഗാനം പ്രേക്ഷകരിലേക്ക് എത്തിച്ചിരിക്കുന്നത്.
