മുട്ട അവിയല്‍
പ്രീയ ആര്‍ ഷേണായ്
മുട്ട പുഴുങ്ങി നാലായി മുറിച്ചത് 5-6 എണ്ണം
ഉരുളക്കിഴങ്ങ് 1 വലുത്
സവാള 1 വലുത്
മുരിങ്ങയ്ക്ക 1 വലുത്
മഞ്ഞൾപൊടി 1 ടീസ്പൂൺ
ഉപ്പ്
തേങ്ങാ തിരുമ്മിയത് 3/4 കപ്പ്‌
ജീരകം 1 ടീസ്പൂൺ
വെളുത്തുള്ളി അല്ലി 3-4 എണ്ണം
പച്ചമുളക് 3-4
കറിവേപ്പില, വെളിച്ചെണ്ണ ആവശ്യത്തിന്
തയ്യാറാക്കുന്ന വിധം
ഉരുളക്കിഴങ്ങു സവാള മുരിങ്ങയ്ക്ക എന്നിവ ഉപ്പും മഞ്ഞൾപ്പൊടിയും ചേർത്ത് അല്പം വെള്ളവും തളിച്ചു അടച്ചു വെച്ച് പാകമാകും വരെ വേവിയ്ക്കുക
തേങ്ങ, ജീരകം, പച്ചമുളക്, വെളുത്തുള്ളി എന്നിവ സാദാ അവിയലിനു ഒതുക്കും പോലെ അരച്ചെടുക്കുക
ഈ അരപ്പ് വെന്ത പച്ചക്കറിയിലോട്ട് ചേർക്കുക
കൂട്ട് വെന്തു പാകമായി വരുമ്പോൾ പുഴുങ്ങിയ മുട്ട നാലായി മുറിച്ചത് ചേർത്ത് പതുക്കെ mix ചെയ്യുക.
വാങ്ങി വെച്ച് കറിവേപ്പില സ്വല്പം ഞെരടി വിതറുക..
പച്ച വെളിച്ചെണ്ണ മീതെ ഒഴിക്കുക…
അവിയൽ തയ്യാർ…..
