ഉള്ളി പുളി
ഇഡ്ഡലി ,ദോശ എന്നിവയുടെ കോമ്പോ ഉള്ളി പുളി
ആവശ്യമായവ
- ചുവന്നുള്ളി / കുഞ്ഞുള്ളി – ഒരു കപ്പ്
- തേങ്ങാക്കൊത്ത് – 3 ടേബിള് സ്പൂണ്
- വാളന് പുളി – ഒരു ചെറു നാരങ്ങ വലുപ്പത്തില്
- കറി വേപ്പില – 2 തണ്ട്
- കാശ്മീരി മുളക് പൊടി – 2 ടേബിള്സ്പൂണ്
- മഞ്ഞള്പ്പൊടി – ഒരു നുള്ള്
- കായപ്പൊടി – ഒരു നുള്ള്
- ഉലുവ- 2 നുള്ള്
- കടുക്- അര ടീസ്പൂണ്
- ഉപ്പ്- പാകത്തിന്
- വെളിച്ചെണ്ണ- 2 ടേബിള് സ്പൂണ്
തയ്യാറാക്കുന്നവിധം
വാളന് പുളി അര കപ്പ് ചെറിയ ചൂട് വെള്ളത്തില് കുതിര്ത്തു പുളിവെള്ളം എടുത്തു വയ്ക്കുക.ഒരു മണ്ചട്ടിയില്/പാനില് വെളിച്ചെണ്ണ ഒഴിച്ച് ചൂടാകുമ്പോള് കടുകും ഉലുവയും കറി വേപ്പിലയും താളിയ്ക്കുക,ഇതിലേക്ക് തേങ്ങാക്കൊത്ത്,കുഞ്ഞുള്ളി ചെറുതായി കീറിയത് എന്നിവ ചേര്ത്ത് നന്നായി വഴറ്റുക.
കുഞ്ഞുള്ളി ഇളം ബ്രൌണ് നിറമാകുമ്പോള് തീ കുറച്ചു വെച്ച് മുളക് പൊടിയും മഞ്ഞള്പ്പൊടിയും കായപ്പൊടിയും ചേര്ത്ത് പച്ചമണം മാറുന്നത് വരെ വഴറ്റുക.ഇതിലേക്ക് പുളിവെള്ളം ഒഴിയ്ക്കുക,പാകത്തിന് ഉപ്പും ചേര്ത്ത് നന്നായി ഇളക്കി യോജിപ്പിക്കുക.ചാറു കട്ടിയാനെങ്കില് അല്പം കൂടി വെള്ളം ചേര്ത്ത് അടച്ചു വെച്ച് ഏകദേശം 10 മിനിറ്റ് തിളപ്പിയ്ക്കുക.തീ ഓഫാക്കി ചൂടോടെ ചോറ് ,ഇഡ്ഡലി ,ദോശ ഇവയില് ഇതിന്റെ കൂടെ വേണമെങ്കിലും കഴിയ്ക്കാവുന്നതാണ്.
