കോക്കനട്ട് ബര്ഫി
അവശ്യസാധനങ്ങള്
തേങ്ങ ചിരകിയത്- ഒരു കപ്പ്
പാൽ- 3/4 കപ്പ്
പഞ്ചസാര- 1/3 കപ്പ്
നെയ്യ്- 2 ടീസ്പൂൺ
തയാറാക്കേണ്ട വിധം :
അടി കട്ടിയുള്ള പരന്ന പരന്ന പാത്രം അടുപ്പത്ത് വയ്ക്കുക. പാൻ ചൂടാവുമ്പോൾ നെയ്യ് ഒഴിച്ച് തേങ്ങ ചിരകിയത് ചേർത്ത് വഴറ്റുക. തേങ്ങ കരിയാനോ നിറം മാറാതെയും ശ്രദ്ധിക്കുക.പാൽ കൂടി ചേർത്ത് നന്നായി ഇളക്കുക. ഈ മിശ്രിതം തിളച്ചു കഴിഞ്ഞാൽ നേരിയ തീയിൽ ഇട്ട് ഇളക്കുക.ലോ ഫ്ളെയിമിൽ ഇങ്ങനെ 12 മുതൽ 15 മിനിറ്റ് വരെ പാകം ചെയ്യണം. തുടരെ ഇളക്കേണ്ട കാര്യമില്ല. എന്നാൽ അടിയിൽ പിടിക്കാതെ ഇടയ്ക്കിടെ ഇളക്കണം.പാൽ പൂർണമായും വറ്റി കഴിഞ്ഞാൽ ഇതിൽ പഞ്ചസാര ചേർത്ത് നന്നായി ഇളക്കിയോജിപ്പിക്കണം. ശേഷം ഏറ്റവും ചെറിയ ഫ്ളെയിമിൽ ഇട്ട് ആവശ്യത്തിന് നെയ്യ് കൂടി ചേർത്ത് ഇളക്കണം. മിശ്രിതം എളുപ്പത്തിൽ പാനിൽ നിന്ന് വിട്ടുപോരണം. ഇതാണ് പരുവം. ഈ പരുവത്തിലേക്ക് എത്തി കഴിഞ്ഞാൽ മറ്റൊരു പാത്രത്തിൽ നെയ്യ് തേച്ച് ഈ മിശ്രിതം ഇതിലേക്ക് ഒഴിച്ച് നിരത്തണം. വേണമെങ്കിൽ മുകളിൽ പിസ്ത, ബദാം, അണ്ടിപ്പരിപ്പ് എന്നിവ ചേർത്ത് അലങ്കരിക്കാം. ചൂടാറിയതിന് ശേഷമ ചതുരാകൃതിയിൽ മുറിച്ചെടുത്ത് വിളമ്പാം.
