ഉത്തരക്കടലാസ്
ജിജി ജാസ്മിൻ
അവിചാരിതമായി
എന്റെ ഉത്തരക്കടലാസ്
ഞാൻ തന്നെ മൂല്യനിർണയം
നടത്തുകയുണ്ടായി
ഉത്തരങ്ങൾ ഒന്നും തന്നെ
ചോദ്യങ്ങളിലേക്കെത്തുന്നില്ല.
എങ്കിലും പലയിടങ്ങളിലും
ഉത്തരങ്ങൾ ഒളിഞ്ഞു കിടപ്പുണ്ട്.
അവസാനിപ്പിക്കാനറിയാതെ ഉത്തരങ്ങൾ
പലതും പാതിവഴിയിൽ
ഉപേക്ഷിച്ചിരിക്കുന്നു.
അക്ഷരത്തെറ്റുകൾ ഒരുപാട് .
പലതും ആവർത്തനങ്ങൾ .
ആകെ മാർക്കിന്റെ കോളം
ശൂന്യമാണ്.
സി ഇ മാർക്ക് നൽകാനാവുന്നില്ല
. മറ്റൊരാളുടേതായിരുന്നെങ്കിൽ
ചില പരിഗണനകൾക്കൊടുവിൽ
ചില മാർക്കുകൾ നൽകി
എനിക്കു ജയിപ്പിക്കാനാവും.
പക്ഷേ , എന്റെ ഉത്തരക്കടലാസ്..?
ഞാനെന്താണ് ചെയ്യേണ്ടത് .
.
