പയര്കൃഷിയിലേക്ക് തിരിയൂ;പോക്കറ്റ് ഒരിക്കലും കാലിയാകില്ല
വീട്ടുവളപ്പുകളിൽ നേരിട്ട് സൂര്യപ്രകാശം ലഭിക്കുന്ന സ്ഥലത്ത് എല്ലാ കാലാവസ്ഥയിലും പയർ വളർത്താം.കേരളത്തില്ലെല്ലാകാലത്തും കൃഷി ചെയ്യാൻ പറ്റുന്ന വിളയാണ് പയർ. ഒന്നാം വിളക്കും രണ്ടാംവിളക്കുംശേഷം ഇടവിളയായി നെൽപാടത്തും റാബികാലത്തും വേനൽകാലത്തും തനി വിളയായും പറയർകൃഷി ചെയ്യാവുന്നതാണ്.
ഞാറ് പറിഞ്ചു നടുന്നയവസരത്തിൽതന്നെ വിത്ത് പാകിയാൽ മഴക്കാലത്തിന് മുമ്പേ രണ്ട്തവണ നമുക്ക് മാറി മാറി ജൈവ രീതിയിൽ പയർ വിളയിച്ചെടുക്കാം.
വേനൽകാലത്ത് പാടങ്ങൾ തരിശിടുമ്പോൾ ജനവരി, ഫിബ്രവരി മാസങ്ങളിൽ പയർ കൃഷി ചെയ്യാം. പതിനെട്ടുമണിയൻ പയർ, കഞ്ഞിക്കുഴി പയർ എന്നിവ മകിച്ച വേനൽക്കാല വിളയിനങ്ങളാണ്. പുരയിടങ്ങളിൽ തെങ്ങിൻതോപ്പുകളിലെ അടിത്തട്ട് വിളയായി പയർ കൃഷി ചെയ്യാം.
കൃഷിയിടം രണ്ടോ മൂന്നോ തവണ നന്നായി ഉഴുതിളക്കി കട്ടയും കളയുമൊക്കെ മാറ്റുക. മഴവെളളകെട്ടുണ്ടാകാതിരിക്കാന് 30 സെ മീ വീതിയിലും 15 സെ മീ താഴ്ചയിലും 2 മീറ്റര് അകലം നല്കി ചാലുകള് കീറുക. ഒരു കുഴിയില് രണ്ടു വിത്ത് വീതം മതിയാകും. വിത്ത് വിതയ്ക്കുകയാണെങ്കില്, വിതച്ചു കഴിഞ്ഞ് ചാലു കീറിയാല് മതിയാകും. കുറ്റിപ്പയറിന് വരികള് തമ്മില് 30 സെ.മീറ്ററും ചെടികള് തമ്മില് 15 സെ മീറ്ററും ആണ് നന്ന്. പാതി പടര്ന്ന വളരുന്ന ഇനങ്ങള്ക്കും 45*30 സെ മീറ്റര് ഇടയകലമാണ് വേണ്ടത്. പടരുന്ന ഇനങ്ങള് ഒരു കുഴിയില് മൂന്ന് തൈകള് എന്ന തോതില് നടണം.
