ഗൂഗിള്‍ ജിയോ പ്രഖ്യാപനം; വിലക്കുറവുള്ള ഫോര്‍ജി ഫോണ് ഉടന്‍വിപണിയില്‍
ഗൂഗിളിന്‍റെ സഹകരണത്തോടെ വിലക്കുറവുള്ള ഫോര്‍ ജി ഫോണ് ജിയോ വിപണിയിലിറക്കുന്നതിനായി റിപ്പോര്‍ട്ട്. റീഡ് അലൗഡ്, ട്രാന്‍സ്ലേറ്റ് നൗ സൗകര്യത്തോടെയിറക്കുന്ന ഫോണ് സെപ്തംബര്‍ 10 ന് ഗണേഷ് ചതുര്‍ഥി ദിനത്തില്‍ വിപണികളിലെത്തമെന്ന് മുകേഷ് അംബാനി അറിയിച്ചു.
സ്മാര്‍ട്ട് ക്യാമറ, ഏറ്റവും പുതിയ ആന്‍ഡ്രോയ്ഡ് അപ്‌ഡേഷന്‍ എന്നിവയാകും ഈ സ്മാര്‍ട്ട് ഫോണിന്റെ പ്രധാന ഹൈലൈറ്റസ്. വോയ്‌സ് ഫസ്റ്റ് ഫീച്ചറുകളുടെ വികാസവും എഞ്ചീനീയറിംഗും സംബന്ധിച്ച കാര്യങ്ങള്‍ ജിയോ ടീമുമായി ചര്‍ച്ച ചെയ്‌തെന്ന് ഗൂഗിള്‍ സിഇഒ സുന്ദര്‍ പിച്ചെ പറഞ്ഞു. ഫോണിന്റെ വില ഇതുവരെ നിശ്ചയിച്ചിട്ടില്ല. 8000-1000 റേഞ്ചില്‍ വിപണിയിലെത്തുമെന്ന് പ്രതീക്ഷിക്കപ്പെടുന്ന ഈ ഫോണ് ഈ വിലയില്‍ ലഭിക്കുന്ന ഏറ്റവും സൂപ്പര്‍ സ്മാര്‍ട്ട് ഫോണായിരിക്കുമെന്നാണ് റിപ്പോര്‍ട്ടുകള്‍.
