എച്ച്10എന്3 പക്ഷിപ്പനി മനുഷ്യനിലും; ലോകത്തെ ആദ്യ കേസ് ചൈനയിൽ
എച്ച്10എന്3 പക്ഷിപ്പനി ആദ്യമായി മനുഷ്യനില് സ്ഥിരീകരിച്ചു. കിഴക്കൻ ചൈനയിലെ ജിയാംഗിൽ 41 വയസുകാരനാണ് പക്ഷിപ്പനി സ്ഥിരീകരിച്ചത്. ലോകത്ത് ആദ്യമായാണ് മനുഷ്യനില് പക്ഷിപ്പനി സ്ഥിരീകരിക്കുന്നതെന്ന് റോയിട്ടേഴ്സ് അടക്കമുള്ള പ്രമുഖ മാധ്യമങ്ങള് റിപ്പോര്ട്ട് ചെയ്തു.
ഷെന്ജിയാംഗ് സ്വദേശിയായ ഇയാളെ ഏപ്രിൽ 28നാണ് ആശുപത്രിയിൽ പ്രവേശിപ്പിച്ചത്. രോഗം ബാധിച്ചയാളുടെ ആരോഗ്യനില നിലവില് തൃപ്തികരമാണ്. അധികം വൈകാതെ ഇയാളെ ഡിസ്ചാര്ജ് ചെയ്യുമെന്നും ചൈനയിലെ ദേശീയ ആരോഗ്യസമിതി അറിയിച്ചു. എന്നാൽ എവിടെ നിന്നാണ് വൈറസ് ബാധിച്ചതെന്ന് ചൈനീസ് ആരോഗ്യ സമിതി വ്യക്തമാക്കിയിട്ടില്ല.
