നീ..
കവിത: രമ്യ.
മനസിലെന്നേ മരിച്ചകണക്കേ
ഓർമ്മപ്പായലിൻറെകനംകൊണ്ട്
ചലനമില്ലാതായിപ്പോയ
ആറ് കണക്കെ നീ..
ആരെയും നോവിക്കാതിരിക്കാൻ
ഉള്ളിലെ കനലിൽ
കനൽകൂട്ടിപ്പുകച്ചുനീയൊറ്റയ്ക്ക്
ചൂടുതേടി…
ആരും ആർക്കും
ആശ്വസമാകില്ലെന്നറിയാം.
നിൻറെ കനലിൽഅൽപ്പം
വെള്ളമൊഴിക്കാനെനിക്കാവില്ലെന്നും
പറയാൻ മടിച്ച നിന്നോട്
ചോദിക്കുന്നതുതന്നെ തെറ്റെന്നുകരുതി
രാവേറെയായാലും
കണ്ണുതുറന്ന് നിന്നെത്തേടുന്ന
ചിന്തവരെയെത്തി, എൻറെയുറക്കം.
പറഞ്ഞിരുന്നെങ്കിൽ
ഒന്നറിയാൻശ്രമിച്ചിരുന്നെങ്കിൽ
ആഗ്രഹങ്ങൾക്കർഥവിരാമമിട്ട്
നീ പോകില്ലായിരുന്നുവെന്ന, ചിന്തയുടെ
തൂക്കുകയറിൽത്തൂങ്ങി
ഞാനിങ്ങനെ കഴിയേണ്ടിവരില്ലായിരുന്നു
നീ മിത്തായപോലെ,
അതുമൊരു തോന്നലാകാം..
