നിറം
ജി. കണ്ണനുണ്ണി
പണ്ടൊക്കെ ഓന്തായിരുന്നു
നിറം മാറുന്ന ജീവി
പിന്നെയത് മനുഷ്യനായി
അവൻ തനിനിറം കാട്ടി
ക്ഷമ നശിച്ചപ്പോൾ
പ്രകൃതിയുടെ നിറവും മാറി.
ഇപ്പോൾ മഴയറിയിപ്പും
നിറങ്ങളിലായി
ജീവിതനിറം കെടുത്തി
വീടുകൾ നിറഞ്ഞൊഴുകി
അപ്പോഴും ആഘോഷങ്ങൾ
നിറമാക്കാൻ ഓടി മറ്റുചിലർ
നിറകതിർ കൊണ്ടാടിയവർ
ഇന്ന് നിറമുള്ള വെള്ളത്തിലാടി
നിറത്തിന്റെ പേരിലുള്ള തമ്മിലടിയോ
അന്നുമിന്നും തുടരുന്നു.
